رواية جديدة مقتبسه من أحداث حقيقيه امواج قاتله بقلم نداء على
المحتويات
دوغري ومنحبش نلفوا وندور.. اني راچل طول عمري عايش في حالي وميرضنيش الحال المايل ولما چه اخوك يتجدم لبتي وسألنا عنيه الناس جالولنا عيلة السياف ناس ولاد أصول وعمك نعمان راچل سمعته زينة في البلد مكناش نعرف ان أخوك الله يرحمه اكده واصل
نوح بتوتر تجصد ايه !
والد حياة اجصد اللي فهمته.. بتي كانت كل يوم والتاني چاية مضړوبة ومتبهدلة ونرچعوها ونجولها اتحملي يابتي.. واها اخوك چاب أچلها
والد حياة پغضب وقلب جريح لاه الداكتور جال ان اخوك كان شارب يا نوح بيه.. المۏت علينا حچ واني راچل مؤمن بس اخوك السبب
نوح وافترضنا ان اخوي السبب رايد تچوز بتك اهنه ليه منتاش خاېف أذيها كيه اخوي
والد حياة لاه بتي الله يرحمها كانت بتتكلم عنكم بكل خير واني كمان سألت وعرفت انك غير أخوك ومن الآخر اني مهجدرش أسيب رحيم لحاله ولا جلبي هيطمن غير وخالته چاره تراعيه وتكبره...
والد حياة حجك بس حجي ارفع جضية والدكاترة يشهدوا ان اخوك الله يرحمه كان مدمن ووجتها هناخد الواد بالمحكمة ونخسروا بعضنا
نوح بثبات تمام ياحچ.. هفكر أردلك خبر
فهد پغضب هتفكر في إيه عاد ياواد أختي.. مفيش جواز ياحچ.. وأعلى ما في خيلكم اركبوه
والد حياة إكده يا ابو چاد هتغلط في حجنا في دارك هي دي الأصول
فهد بصوت جهوري لاه اجصد ياواد عزيز واسمع ياراچل انت لو مفكر ان حماد الله يرحمه متريش ومهمل وراه چاه ومال تبجى غلطان وتعبك عيضيع علي فاشوش..
والد حياة بتوتر ورث ايه وبتاع ايه!
فهد اني هجولك اها..لا حكومة واي مخلوج هيهمنا.. وانت ياواد عزيز لو هتتچوز علي بت أخوي يبجى هتطلجها ورچلك فوج رجبتك
ورغم ابتعادها عن محيط شهيرة ومكان تواجدها الا أنها اضطرت الي البقاء بجوارها هي ورباب الي أن يغادر هؤلاء الزوار....خديه علي أوضته يا أبله ميادة أكيد الصوت العالي خوفه
تحدثت فتاة أخريض يبدو من هيئتها الرفض القاطع لاقتراح رباب فتاة بيضاء البشرة.. جميلة الي حد بعيد ولكن جمالها يجعلك تهابه بعينيها مكر ودهاء الا أن زرقة عينيها تجذبك اليها
ميادة پغضب وانتي مين ان شاء الله
حياة اني ابجى خالته يا حبيبتي يعني كيه امه تمام
ميادة بتعجب اه.. اتفضلي انا بس خاېفة عليه
حملته حياة فازداد بكاء الصغير وكأنه يعلن تمرده ورفضه لها.. حاولت هدهدته مرارا لتبتسم ميادة بارتياح وكأنها توجه الشكر الي صغيرها الذي لم يخذلها
تحدثت رباب بسعادة قائلة رحيم مهيسكتش مع حد واصل غير مرت عمه.. خديه يا أبلة الواد مفطور من العياط
رباب پغضب تجصدي ايه
حياة ولا حاچة.. احنا اللي يهمنا راحة واد أختي بكفيانا مۏتها ياجلب اختها ومۏت بتها معاها..
لم تكمل كلماتها فقد تأثرت النسوة بحديثها وبدأن في العويل مرة أخرى لتبتعد ميادة حاملة رحيم بأحضانها بينما حياة تنظر في أثرها بكره لا سبب له سوى انها ترى بشخصها منافسا لها علي قلب رحيم وعمه...
وأغمضت شهيرة عينيها مستشعرة أن حياة ماهي الا نسخة مصغرة منها فيما مضى وأحست بمرارة عالقة بقلبها وعاصفة تذكرها بما اقترفته سابقا في حق الجميع لتنهمر دموعها بغزارة وأخذ الجلوس يواسينها معتقدين ان بكاءها حزنا علي حماد وطفلته الراحلة بينما هي في عالم لا يشاركها مرارته سواها فقط....
بعد قليل أتى حسن لزيارة نوح ولم تكن المرة الأولي بل كان حسن داعما لصديقه منذ لحظة ۏفاة حماد وهكذا يظهر معدن البشر وسط الشدائد والمصائب....
احتضن حسن نوح بمحبة وتحدث اليه بمودة قائلا
عامل ايه دلوك يا نوح.. أخبارك ايه وخالة شهيرة كيفها
نوح بخفوت الحمد لله بخير ياحسن.. اني بخير وامي كاتمة في جلبها وساكته طوالي.. حاولت كتير أهون عليها ومفيش فايدة
حسن الله يكون بعونها.. الضنا غالي يا نوح.. ربنا يبارك في ولده ويبجى عوض عن ابوه...
تنهد نوح واضعا رأسه بين كفيه فاقترب منه حسن رابطا فوق كتفه محاولا مؤازرته قائلا
وحد الله يا نوح انت راجل مؤمن...
نوح اهل المرحومة أم رحيم رايدين يچوزوني اختها
حسن وااه.. كلام ايه ديه..
هما خابرين انك عريس جديد ولا لاه
نوح خابرين وموافجين اني اتجوزها علي ضرة عادي
حسن وانت هتوافج يا نوح.. ومرتك هتجبل ولا هتطلجها
قاطعه نوح بجدية وثقة غير قابلة للشك قائلا
لاه اني مجدرش استغني عن مرتي بس رحيم حته مني يا صاحبي.. صعب اجولك اللي حاسس بيه
خابر اني اتحملت غياب حماد بس كنت هصبر حالي واجول معلهش المهم يكون بخير.. خابر اني شاركت في ظلم كبير لما هربته ومنعت الحكومة تاخده بس..
اغمض عينيه قائلا بأسي
مجدرتش اسلمه بيدي حماد كان كيه ولدي كنت بحبه اكتر من حالي.. يمكن مۏته كسرني بس ربنا عوضني برحيم.. مهسمحش لحد ياخده مني واكمل باجي حياتي حاسس اني ضيعت أمانة اخوي
يعني هتتچوز من غير ما مرتك تعرف ولا ايه
نوح بتيه لاه.. مجدرش اخونها.. مش لاجي حل وتعبت من التفكير وخابر ان ميادة ملهاش ذنب ولا هي ملزمة تتحمل مشاكلي ديه بس هجول ايه ربك يحلها...
حسن محاولا اخراجه من تلك الحالة هجولك انت ترجع الشغل تاني يمكن تجدر تفكر بعيد عن الضغوط اهنه وتلاجي حل
نوح عندك حج.. وسامحني علي غيابي الفترة اللي فاتت بس ڠصب عني
حسن وااه وانت مفكرني هجولك ارجع دلوك عشان الشغل يا نوح.. الشغل ماشي زين وانت متابع كل حاچة بس وچودك في البيت ليل نهار هيزود عليك الهم ومرتك يمكن تلاحظ حاچة والمشكلة تكبر ما بينكم..
نوح هنزل الشغل يا حسن لأني مهجدرش اواجه مرتي دلوك..
مرت ايام قليلة لم يتحمل فهد ما يحدث لذا توجه الي نوارة عازما البوح لها بما يحدث علها تساعده في الوصول الي حل...
انتهى فهد من سرد ما حدث علي مسامعها لتشتعل براكين خامدة منذ سنوات بفؤادها لتقف صاړخة
بوجهه قائلة
اتچوزها انت يا سي فهد اهو تبجى عملت حاجة زينة ليا ولبنتي
فهد بذهول رايداني اتچوز غيرك!!
نوارة بغيرة وڠضب ويأس سنوات مضت لاه ياراچل ده انت اتچوزت غيري جبل ما چوازنا يكمل سنة.. اتچوز وعيش حياتك وبعدوا عن بتي انتوا ايه مخلوجين توچعوا جلوبنا وتجهرونا.. اسمع يا فهد اني اتحملت يامه وفاض بيا الله في سماه لو نوح اتجوز علي بتي لطلجها منيه واجوزها غيره واجهره ومش اكده وبس
فهد بغيظ وايه تاني يا أم چاد
نوارة ههملكم البلد باللي فيها واسافر مع بتي
فهد ممسكا يده برفض اسمعي اني صابر بجالي سنين واجول حجها لكن توصل للجنان ديه اجتلك يا نوارة سامعة... انتي هتفضلي مرتي لحد ما أموت ومهتطلعيش من اهنه واصل غير بأذني...
نوارة وماله يا فهد هتشوف وجتها هجدر اسافر ولا لاه ولو حكمت هروح اخلعك في المحكمة وتبجي فضيحتكم بچلاطل....
ابتسم فهد بسخرية قائلا يعني چايلك نشوف حل للي حوصل رايده تخلعيني اني
نوارة مفيهاش حلول ياواد السياف..
ميادة مهياش نوارة التانية هتسكت وتحط في خشمها بلغة وتعيش مذلولة.. لاه بتي ألف مين يتمناها ولو عيشتها چاري هتكسر بخاطرها مريدهاش تجعد چاري وهخليها ترجع مطرح ما كانت...
اني خابرة ان جلبي هيفضل اكده موچوع مهسمحش لبتي تكمل حياتها مجهورة مهما كان السبب
هرولت خارجة باتجاه ابنتها بينما عجز فهد عن اللحاق بها استمعت ميادة الي صوت والدتها تناديها پخوف قائلة
ميادة تعالي يابتي.. تعالي ياجلب امك
اتت اليها ميادة مسرعة تبتسم اليها علها تهدأ قليلا متسائلة
مالك يا ماما في ايه!
نوارة تعالي مبجاش ليكي جعاد اهنه
نوح برفض كلام ايه ده ياخالة نوارة..
رايدة تاخدي ميادة ليه وعلي فين
نوارة هاخدها علي داري يا باشمهندس وانت شوف حالك واتچوز كيه ما تحب بس تطلجها الاول
نوح بهدوء يا خالة ميادة مرتي وديه دارها أما موضوع چوازي ده فشئ سابج لأوانه
نوارة بغيظ هجول ايه ما انت طالع لخالك بصحيح.. همي يا ميادة وأوعاكي تزعلي ميستاهلش ياجلبي
ميادة بخفوت مقدرش اسيب رحيم يا ماما
نوارة چنيتي ولا حنيتي وبتكابري يابت بطني رحيم اهله چاره واني بجولك اها ملكيش عيشة اهنه تاني
نظرت الي نوح الذي بدا واجما ثم حولت نظراتها بين الجميع قائلة
مش هقدر يا ماما صدقيني وحتي لو همشي من هنا فمش هيكون دلوقتي.. اطمني انا مش قليلة ولا عيلة صغيرة وعارفة بعمل ايه...
لم تجد نوارة حلا أمامها سوى العودة بينما نظر اليها فهد بحزن قائلا همليه وروحي يابتي واني هجفله.. خابر انتي مريداش تتحدتي معاي بس اللي انتي ريداه هعملهولك
اجابته ميادة بحزن خليك جنب ماما وطمنها وبلاش تتسرع وتظلمها بسبب ڠضبها.. الحكاية ومافيها ان ابن اخوك قلب عليها مواجع بتحاول بقالها سنين تداريها...
توجه نوح بخطوات تقاتل بعضها رفضا وقبولا يود الرجوع ولا يستطيع عليه ان يختار والاختيار الأن لم يعد متاحا لذا وبدون تردد اجري اتصاله قائلا للطرف الذي يحادثه
أني موافج ياحج..
بينما ميادة واقفة أمام المرآة بتحدي لقلبها العاشق عازمة علي الفوز مهما حدث فهي انثى خلقها الله غير قابلة للهزيمة...
واصبحت الموجة القادمة صراع بين قلب عاشق وقلب محب فالعاشق قانونه الأول الاكتفاء والمحب قد تتبدل أهوائه بين ليلة وضحاها
منتظرة تعليقاتكوا وياترى ايه اللي هيحصل
بسم الله الرحمن الرحيم
لا اله الا انت سبحانك اني كنت من الظالمين
نظرت اليه تخشى مواجهته وتخشى السكوت تهفو الي الهروب منه واللجوء اليه تجتاح كيانها أمواج جديدة تسمى الغيرة القاټلة.. ينبض قلبها بضعف وكأنه يسارع المۏت وتضربها تلك الأمواج بقوة فيزداد خفقان قلبها صارخا بلوعة يرفض أن يشاركه أحد فيما امتلكه وتملكه منذ الأزل...
أمسكت واحدة من قطع الملابس الخاصة برحيم تطويها بهدوء قائلة
حلوة اوي حياة دي يا نوح
نوح عادي الچمال مهواش كل حاچة
ميادة يا راجل!
جلس نوح جوارها فابتعدت ليقترب هو ممسكا بيدها يحاول أن يبثها مشاعره التي يصعب عليه وصفها قائلا
أختها الله يرحمها كانت أچمل منيها بكتير ومجدرتش تخلي حماد يحبها ولا ينسى عشجه لغيرها
ميادة يمكن احساسه بالندم والذنب اللي
كان بيلاحقه السبب لكن اي راجل بيقدر يتناسي عادي ويكمل خاصة لو لقى واحدة أجمل واصغر
نوح لما يكون راچل مداجش طعم الحب واتملك منيه بيكمل حياته وينسى
ابتسمت هي بحزن قائلة
الحب عندكم غريب اوي يا نوح.. يعني اخوك حب اختي فقټلها وخالك حب امي دمر حياتها وانت..
نوح بحزن انا ايه يا جلب نوح..
انا تايه يا ميادة تايه ومحتاچ انام
متابعة القراءة
