رواية كاملة الفصول للكاتبة ولاء رفعت ثلاثية الذئاب

كانت قبل ماتتكسر !!!
نظر إليها بقلة حيلة وقال إيديني أنتي فرصة أخيرة أثبتلك فيها إن بحبك ومستعد أعمل كل حاجة عشانك
تنهدت ثم قالت سيب الي مابينا ده للأيام تداويه يمكن يجي يوم وأسامحك وأسامح نفسي
ياسين وأنا مش هيأس وهفضل مستني اليوم
في قصر العزازي 
يجلس ع المائدة ينتظرها وهو ينظر إلي ساعة يده 
داده زينات صاح بها قصي 
جاءت إليه مسرعه وقالت 
أمرك يا قصي بيه 
قصي هي إتأخرت ليه 
زينات معلش يا قصي بيه أصلها تعبانه شويه ومش قادره تنزل
نهض وقال بقلق 
ومبلغتنيش ليه ع طول خلي كنان يتصل ع الدكتور بسرعه وأنا طلع أطمن عليها 
قالها وصعد إلي أعلي ثم ولج إلي الغرفه فلم يجدها ف الفراش نادي عليها 
صبا صبااااا
ليستوقفه صوت تأوهاتها الصادر من المرحاض ركض إليها فوجدها تجثو أمام قاعدة المرحاض تفرغ ما بجوفها بإعياء 
صبا مالك يا حبيبتي قالها قصي وهو يحتضنها من ظهرها ويمسد ع خصلاتها 
أجابته بصوت واهن 
شكلي واخده برد ف معدتي 
تنهد وقال 
عارفه ده بسبب التكيف الي مرضتيش أخليني أقفله إمبارح وإحنا م 
قاطعته بصياح 
خلاص خلاص أسكت عرفت أعمل أي كان الجو حر إمبارح 
غمز إليها بعينه وقال 
ومين الي كان محرر الجو 
لكزته ف صدره ونهضت 
أبعد عني مش طايقه ريحة البرفيوم بتاعك 
قصي ليه ما كنت حلوة إمبارح فأردف بتقليد نبرة صوتها 
الله ياقيصو ريحتك حلوة رش حبه كمان ومناخيرك كانت لازقه ف صدري ورقبتي 
صبا والنهارده مش طيقها خلاص أبعد بقي عشان مش قادره أستحمل 
قال بعناد مازحا 
لاء مش هابعد 
قالها وعانقها بإصرار فصاحت بحنق
بس بقي ياقصي بقولك مش قاد 
لم تكمل فدفعته بقوة وألتفت إلي قاعدة المرحاض وأخذت تفرغ كل ما ف معدتها لتشعر بدوار شديد وسقطت بإعياء ليلحق بها يحملها ع زراعيه إلي التخت 
وبعد قليل جاء الطبيب ليتفحصها تحت نظرات قصي الذي يجز ع فكه من شعور غيرته الشديد لكنه تحمل من أجل الإطمئنان عليها 
أطمن حضرتك كل ده طبيعي ف الفترة دي ولازم تاخد بالها من أكلها كويس عشان ضغطها منخفض وده غلط عليها وع الجنين قالها الطبيب 
تسمر قصي بمكانه وأتسعت حدقتي صبا بإندهاش ليتفوها معا 
جنين !!
إبتسم الطبيب وقال 
مبروك ياقصي بيه مبروك يامدام صبا 
قصي بفرحة غير مصدق قال 
الله يبارك فيك يا دكتور 
الطبيب برضو عشان تطمنه ع حالة الجنين لازم متابعة مع دكتور نسا وإن شاء الله خير عن إذنكو 
غادر الطبيب ليقترب قصي من صبا التي تحدق به
غير مصدقه ما قاله الطبيب 
أنا حامل ياقصي !! هيبقي عندنا بيبي !! هابقي ماما !! 
عانقها قصي بقوة وقال 
اه يا قلب قصي هتبقي ماما وأنا هابقي بابا 
صبا بسعادة قالت 
أنا نفسي يكون ولد ويطلع شبهك وياخد حنيتك وقلبك الطيب 
قصي لاء أنا نفسي ف بنوته تكون نسخه منك 
صبا يا حبيبي كل الي ربنا يجيبه خير المهم يجي أو تيجي بالسلامه 
قصي والأهم منهم أنتي تقومي بالسلامه يا حبيبتي
صبا قصي 
قصي قلبه أؤمري يا روحي 
صبا ممكن طلب عشان خاطري 
قصي نفسك ف أي وأنا هاجيبه لحد عندك ومابين أيديكي 
رمقته بقلق وقالت 
ممكن تسامح كارين ويونس وتخليهم يرجعو مصر أنا مش عارفه أي سبب كارهيتك أوي كده ليونس وخاصة خالي
حدق بها بنظرات حاده فقال 
أومي إلبسي 
صبا هانروح فين 
قصي 
مش عايزه تعرفي السبب إسمعي الي بقولك عليه وهاتعرفي كل حاجه
في إيطاليا 
تتجول بالغرفة باحثة عن شئ ما 
ياربي راح فين أنا كنت قلعته ع الكومودينو قالتها كارين 
ولج يونس وقال 
مالك قالبه الأوضه وبتدوري ع أي 
كارين 
ع الخاتم بتاعي مش لقياه 
يونس سمي الله ودوري كويس وممكن تلاقيه واقع تحت السرير ولا حاجه أنا هاروح إعمل كوبايه نسكافيه تشربي معايا 
كارين لاء شكرا بسم الله قالتها وظلت تبحث أسفل التخت لم تخد شيئا بينما وهي تسند يدها ع الفراش وجدت بين طياته شريط دواء ينقص منه بضع حبات وكانت الصدمه عندما علمت إنه يمنع الإنجاب ليأتي ف ذاكرتها مايلي 
فلاش باك 
عاملك أحلي سموزي موز وفرواله وكنتالوب لأجمل فنانه ف إيطاليا قالها يونس وهو
يعطيها كأس عصير بينما هي كانت ترسم لوحة
إبتسمت وقالت 
ميرسي يا روحي ع طول مدلعني كده وكل يوم تعملي عصير شكل أنا مش أد الدلع ده كله 
يونس وأنا ليا مين غيرك يا روحي أدلعه وأحبه وأموت فيه كمان 
كارين ربنا مايحرمني منك يا قلبي 
يونس ها وريني فنانتنا بترسم أي 
كارين دي لوحة من مجموعة لوح بعنوان الطفوله 
تأمل اللوحه وقال واو أتطورنا وبقينا بنعرف نرسم بورتريهات دي أنتي أتفوقتي عليا 
كارين الفضل يرجعلك يافنان 
يونس بس أي ده البيبي ده شبهي أوي 
كارين آه ده بإذن الله هيكون شكل إبننا 
قال بتوتر إإ إنتي لسه بتفكري ف الموضوع ده 
حدقت ف اللوحه بسعاده وقالت 
ده حلم حياتي يا يونس نفسي ربنا يرزقني ببيبي وياريت كمان يكون شبهك 
يونس بس أنا خاېف عليكي يا حبيبتي 
كارين الطب أتقدم وبالتأكيد فيه حل لحالتي وإن ممكن أحمل وأخلف زي أي واحده نفسي أكون أم يا يونس 
أبتلع ريقه بغصه ليأخذها بين زراعيه وعانقها بقوه ويمسد ع ظهرها وقال 
إن شاء الله يا حبيبتي 
بااااك 
بالطابق الأسفل ينتظرها ممسكا بكوب القهوة وجدها تهبط الدرج وترتدي حقيبتها 
يونس أنتي خارجه ولا أي
حدقت ف عينيه لثوان ثم قالت 
آه إتصلو بيا من الجاليري عايزني ف حاجه وراجعه ع طول 
يونس طيب إستني هغير وأوصلك 
كارين لاء خليك يا حبيبي مش هتأخر كلها ساعتين بالكتير وهاكون عندك يلا سلام 
قالتها وغادرت لتستقل سيارة أجرة وطلبت من السائق أن يوصلها إلي المشفي 
بداخل العيادة 
الحوار مترجم 
عزيزتي ليس لديك أدني مشكلة للإنجاب لكن التحاليل التي أمامي تقول إنك تتناولي وسيلة لمنع الإنجاب قالتها الطبيبة 
يعتريها الشعور بالصدمة فقالت 
لكن أنا لا أتناول شيئا ع الإطلاق 
تنهدت الطبيبه وقالت 
لا أعلم لكن التقارير تقول عكس ذلك 
نهضت وهمت بالمغادره وقالت 
شكرا لكي كثيرا 
غادرت العيادة والمشفي بأكمله سارت ف الشوارع وهي تبكي تشعر بالخداع طالما ترجته أن لايحرمها من
ذلك  
وصلت إلي المنزل وولجت إلي الداخل فألتفتت إلي ورقه معلقه ع الحائط مدون بها 
حبيبتي أنا رايح مشوار بسرعه وجاي أوعي تنامي إستنيني 
بحبك 
إنتهت من قراءتها وطوت الورقه بقبضتها لتلقي بها أرضا صعدت إلي الغرفة وإتجهت إلي الخزانه أخرجت منها حقيبة ووضعتها ع التخت وأخذت تضع بداخلها جميع ثيابها ومتعلقاتها الشخصية 
أخرجت هاتفها من حقيبتها الخاصة وأجرت إتصالا 
الو مرحبا 
وصل إلي المنزل يحمل ع يده علبة بداخلها قالب حلوي واليد الأخري حقيبة هدايا ولج إلي الداخل مناديا 
كارين كوكي حبيبتي أنتي جيتي ولا لسه 
وضع مابيده فوق المنضده ليجد الورقة منكمشه وملقاه ع الأرض 
صعد إلي الأعلي وولج إلي الغرفه ليجد الخزانه مفتوحه وفارغه من ثيابها أنتابته الصدمه فأخرج هاتفه وأجري إتصالا عليها فوجد هاتفها مغلق زفر بحنق ليلتفت إلي تلك الرساله فوق طاولة الزينة وبجوارها شريط الأقراص وكان محتواها 
أنا حبيتك لدرجة إن مستعده أضحي بحياتي عشانك لكن ع أد حبي ليك كانت صدمتي لما أكون عايشه معاك وأنت بتخدعني وعايز تحرمني من الحاجه الي بحلم بيها من غير حتي تديني حق الأختيار ياريت متدورش عليا لأنك مش هتلاقيني بس حبك هيفضل عايش جوايا 
مع السلامه يا حبيبي 
كان يقرأها وعينيه لم تصدق عقله لن يستوعب صاح پغضب وبزمجرة دوت ف أرجاء المنزل وأخذ يبكي وكأنه طفل تركته والدته ولم تعود إليه مرة أخري 
أذعنت لأمره ونهضت لتبدل ثيابها وغادرت القصر برفقته لتنظر بتعجب عندما توقفت السيارة أمام ضريح مقاپر مكتوب بأعلاها ضريح عائلة العزازي فقال أنزلي 
ترجلت من السيارة ليأخذها ويقف أمام قبر محفور عليه من الخارج زينب عبدالرازق المنياوي 
فقالت مين زينب 
أجاب وملامحه يكسوها التجهم والإمتعاض 
أمي الله يرحمها كانت بتشتغل ف قصر البحيري زمان 
فلاش باك 
تبكي تلك الجميلة ذات العيون الزيتونية والبشرة الحنطيه وشعرها البني المجدل 
حرام عليك يا عزيز ده أنا حبيتك وأمنتلك وسلمتلك نفسي لما حسيت بحبك ليا وإنك هاتتجوزني قالتها زينب ذات العشرون عاما 
أجابها عزيز 
ڠصب عني يا زينب متعرفيش بابا لما عرف بعلاقتنا وقولتله إن عايز إتجوزك عمل فيا أي طردني من الشركة 
زينب 
خلاص تعالي نسيب القصر ونسكن ف أي حته 
عزيز 
صعب يا زينب أقف أدام بابا 
زينب 
والي ف بطني !! إبنك ياعزيز 
عزيز 
مفيش حل غير إنك تنزليه 
زينب 
أنزله !!!
زينب تعالي حكيم بيه عايزك ف المكتب قالتها سميرة 
نظرت إلي عزيز فولاها ظهره ذهبت إلي
حكيم ذلك الرجل المعروف بصرامته وقوته لم يستطع أحد أن يعارضه أو يقف أمامه 
دخلت بخطي هادئة تنظر إلي أسفل تبلع ريقها پخوف من ذلك الرجل ذو المظهر المهيب والمخيف ف آن واحد 
أنا عشان خاطر والدتك الله يرحمها ومعزتها عند أم عزيز هاكتفي بطردك من القصر قالها حكيم بصوته الأجش 
زينب 
حكيم بيه حضرت 
قاطعها وقال 
مش عايز أسمع ولا كلمه بس عايزك تحطيها حلقه ف ودانك مينفعش إبن الأكابر يتجوز الخدامه أظن إنك فهمتي قصدي من غير ندخل ف مواضيع ملهاش لازمه 
أومأت له وعينيها تبكي ف صمت وذهبت 
بعد مرور 7 شهور ف شتاء عام 1984 ف إحدي قري الصعيد النائية تهطل الأمطار بغزارة بصوت مختلط بصړاخ زينب التي داهمها آلام المخاض
يلا هانت الراس ظهرت قالتها المولده وتقف بجوارها عمة زينب 
العمة إستحملي يا ضنايا 
زينب بصړاخ 
مش قادره يا عمتي هامووووت 
قالتها ليأتيها ألم بقوة لم يتحملها أعتي الرجال فأطلقت صړخة دوت ف الأرجاء ويليها صوت بكاء ذلك الرضيع 
المولده ألف مبروك واد كيف الجمر يتربي ف عزك يا بتي
العمه هاتسميه أي يا زينب 
نظرت إلي رضيعها الملطخ بدماءها وقالت هاسميه محمد
وبعد أيام  
تحمل مولدها وع يدها حقيبة  
أهربي بسرعه يا زينب جبل ما جدك يعطر عليكي هيجتلك أنتي وولدك قالتها العمه 
زينب مليش حد ف مصر يا عمتي 
العمة أرجعي الجصر لحكيم بيه وجوليلو إن الي ع يدك ده يبجي إبن عزيز ولده 
وعندما ذهبت إلي القصر كانت الصدمة حينما رأت تلك الأنوار والموسيقي ليخبرها إحدي الحراس إنه حفل زفاف عزيز و جيهان إبنة رجل الأعمال زيدان الدالي شعرت وكأن الدنيا تنغلق ع نحرها ركضت وع يدها صغيرها سارت به ف كل الشوارع والحواري والأزقه حتي خارت قواها لتجدها سيده مسنه تعيش بمفردها أخذتها ف منزلها ومرت الأيام حتي كبر ذلك الصغير فقررت الذهاب إلي القصر وعقدت العزم بإن تخفي أمر نجلها إستقبلتها جيهان وجعلتها تعمل بالقصر وعندما رأها عزيز قام بټهديدها إن لو أفصحت عن أمر علاقتهما القديمة وأخبرتها وأخبرت والده بأن لديها طفل منه سوف يأخذه منها عنوة وېقتله ويلقي بها إلي أهلها بالصعيد 
سمع ذلك الصغير كلمات والده القاسيه فدمعت عيناه ونبتت الكراهيه بداخل قلبه نحوه  
ظن حكيم إن ذلك الطفل إبن رجل أخر قد تزوجته زينب عندما طردها من القصر كان يعاملهما بقسۏة خشيت زينب ع إبنها من بطش والده وجده حتي أتي لها الصغير