روايه ابن ليل بقلم اميره اسامه
المحتويات
وقف يلا يارفاعي يلا ياولاد
اتفضلوا
رفاعي احمممم تسلم الايادي
نبيله تسلم وتعيش يلا اتفضلوا
دخلوا كلهم علي السفره
نبيله بابتسامه طبعا السفره الوقت مش هتقضينا عددنا زاد اللهم بارك البت دانه خلت عبدالله وحسن وجدها شالوها وجابت التربيزات ووسعت المكان
نجوي طب والله شاطره والمكان كبر
مها كنت لسه هنسألك سفرتك كبرت ازاي يا بلبله
دره ودعاء ومها قعدوا جنب بعض وقصادهم كرم وبكر وعبدالله
البنات قعدوا جنب بعض واحمد معاهم و هيما وحسن ومحمد قعدوا قصادهم
نبيله بنقول ايه انا مش هنعزم علي حد يلا بسم بالله ومش عايزه اي حد يقوم غير وهو مخلص الاكل
زكريا رفاعي ست نجوي مش محتاجين عزومه طبعا
مدت دره ايدها عشان تاخد طبق معين بتاعها وقبل ما تمسكه ايد مها ودعاء سبقتها والتلاته مسكوا الطبق الكل بص عليهم وهما
التلاته في نفس واحد ضحكوا
رفاعي تاااااني
نبيله احيه عليا نفس العاده بتاعتهم زمان
دره شيلي ايدك انتي وهي
مها انا مسكته الاول
دعاء بلاش كدب انا اللي مسكته قبلكم
بكر انا لو منكم اسيبه لمها بدل ما تاكلكم انتوا الاتنين
دانه هو في ايه ما في اطباق كتير
عبدالله لا ماهو انتي مش فاهمه المنظر ده من زمان وهو لسه عيال بيعملوا وفي الاخر بترسي علي انهم كلهم بياكلوا في نفس الطبق
دره لا علي چثتي المرادي مش هسيب طبقي
نجوي احيه علي شغل العيال يابت انتي وهي كبرتوا وبقيتوا امهات
دره بضحك طب ناكل سوا وخلاص
عبدالله بص لدانه ماقولتش حاجه انا اهم هياكلوا سوا
دره بصت علي معلقتها وبعدين بصتلهم
دره طب ايه هنتعارك علي المعلقه كمان ولا ناكل و منفرجوش علينا الخلق
مها لا خلاص خدي معلقتك
بدأوا ياكلوا كلهم دره كانت بتحاول تلهي نفسها مع مها ودعاء عشان متبصش خالص علي كرم
كرم كان قاعد وجنبه من اليمين بكر وعبدالله ومن الشمال البنات وبعدهم احمد لمح دارين اول واحده بتحاول تطلع اللحم بالشوكه قرب منها
وهو رافع حاجبه وعلي وشه ابتسامه بسيطه
كرم السمكه بتسثتغيث انتي بتعملي ايه
دانه وديما كمان بصوله وضحكوا
دانه اقولك علي سر
كرم بابتسامه جميله مبتعرفيش تاكلي السمك صح
دارين صراحه اه مامي هي اللي بتخرج منه الشوك ليا انا واخواتي بس الظاهر نسيتنا انهارده عشان ملخومه مع مها ودعاء
ابتسم كرم وسحب الطبق بتاعها بهدوء وفي ثواني كان مففصصلها السمكه بتاعتها
كرم اي خدمه
دارين ايه السرعه دي
كرم اسكندراني بقي بص علي دانه وديما ايه عايزين مساعده
ضحكت ديما وهزت راسها وبصتله دانه
دانه حضرتك اااا
كرم بلاش حضرتك ومالك خاېفه كده ليه انا مبنعضش علي فكره
ضحكت دانه بإحراج
كرم هاتي يلا كلهم بيرغوا مش مركزين
خد منهم اطباقهم و فصصلهم السمك دره كانت مركزه معاه و مبتسمه بحب
خلص كرم وسحب منديل نضف ايدهم وبعدين بصلها وغمزلها ضحكت دره وحطت عينها في طبقها
كلوا كلهم مع بعض الجو العام بينهم كان جميل اوي الكل كان مبسوط خلصوا اكلهم الرجاله راحوا يغسلوا ايدهم ولما رجعوا كان البنات سالوا السفره كلهم مع بعض ودخلوا علي المطبخ
كل واحد فيهم بقي يعمل حاجه مها ودعاء ودره كانوا بيفضوا الاطباق ومها تغسل وراهم نجوي وقفت تعمل قهوه ونبيله تساعدها ديما خرجت ترش معطر مكان ريحه السمك وفي دقايق رجعت الدنيا زي ما كانت
خرجوا القهوه والشاي وشويه وقامت نبيله هي والبنات علي المبطخ عشان يجيبوا التورته ونادوا حسن
حسن في ايه
نبيله ولا يا حسن لما نقولك طفي النور ابقي طفيه
حسن هتخرج ا التورته الوقت
نبيله اه هنحطوا الشمع بس الاول ونجهزوا الاطباق
حسن ده الولا هيما هيفرح اوي
دانه ايه رايك في عمايل ايدي
بصتلها نبيله بطرف عينها
نبيله عمايل ايد مين يابت والنبي نلبسهالك في وشك
ضحكوا كلهم علي نبيله
دانه الله طيب سبيني اسرح بيه شويه
ديما معملتش حاجه كانت واقفه تاكل
حسن يعني هو انا اشتريت منها ما انا عارف انها فاشله
دانه انا فاشله طب ايه رايك هتعلمها وهعملها لوحدي ومش هأكلك منها
حسن المهم اتعلميها مش مهم ناكلوا منها
نبيله يلا ياولا بلاش رغي روح طفي النور قبل الشمع ما يسيح
حسن هتخرجوا بيها ازاي في الضلمه طيب حد فيكم يابنات يروح يقفل وانا هنشيلها معاكم
دارين انا لا هتحرج اقفل عليهم النور
دانه وانا لو سألوني بتقفلي ليه هفتن علي طول انتوا حرين
حسن بضحك لا خلوا البت دي هنا دي هتجرسنا روحي انتي يا ديما
ديما لا انا مالي هفتن بردوا
نبيله اقول عليكم ايه يابنات دره هنروح انا وانتوا تعالوا ورايا
حسن ماشي
خرجت نبيله بره وراحت حطت ايدها علي الزرار
نبيله معلش يا جماعه دقيقه بس هنقفلوا النور
مها بضحك هتهشي الدبان ولا ايه
نبيله يابت استني
قفلت نبيله النور والدنيا بقت ضلمه
خرج حسن بالتورته دارين كانت ماسكه قدامه ودانه وديما خارجين بالاطباق والشوك
الكل شايف في شمع بس مش شايفين التورته كويس ولا فاهمين حاجه
نبيله بابتسامه يلا ياولاد
وبدأت هي والبنات ودره وعبدالله وزكريا ودعاء يغنوا هابي بيرث داي تو يو
حط حسن التورته قدام هيما علي
التربيزه ضحك واتفاجئ والكل اتفاجئ واتبسط وبقوا يغنوا معاهم
فتح حسن النور بعد ما خلصوا
هيما ايه المفجأه الحلوه دي والله احرجتوني
نبيله بحب حضنته كل سنه وانت طيب ياولا
هيما وانتي طيبه يا بلبله بس ليه كل ده
نبيله بقالي زمن معملتش تورته قولت نعملوها عشان عيد ميلادك يوم ما نتجمعوا كلنا
نجوي بحب تسلم ايدك وعينك يا اخلي بلبله في الدنيا
مها يالهوي علي الجمال شكلها حلو اوي
رفاعي تعبتي روحك ليه بس يا ست نبيله تسلم ايدك والله
نبيله تعب ايه بس ده كفايه لمتنا دي وبعدين العيال عملوا عيد ميلاد هيما واحنا مكناش معاهم فا قولت نحتفلوا سوا يلا يا نجوي قطعي التورته وانا هنروح نعمل الشاي بلبن
دعاء خليكي ياما انا هنعملوا
بصلها هيما بحب واحراج
هيما مش عارف نقولك ايه والله يا بلبله
نبيله ولا حاجه المهم تبقي مبسوط
ديما علي فكره احنا ساعدنا بلبله
دانه ايوه وانا اللي عملتها
ديما بضحك دي كدابه متصدقهاش كانت واقفه بتاكل انا و دارين اللي ساعدناها ودارين اللي كتبت عليها
هيما بأبتسامه تسلم ايديكم كلكم والله
رفاعي تعيشي وتعملي يا ست نبيله
نبيله تسلم يا معلم في حياتك يارب عقبال ما نعملوا بأيدي تورته الجواز
نجوي يارب يا بلبله
ابتسم هيما وبص لدارين بطرف عينه ابتسمت وبسرعه بعدت عينها عنه وراحت علي المطبخ تساعد دعاء
لمحتهم دره وسرحت وبعدين ابتسمت
قطعت نحوي التورته ودره ومها كانوا بيحكوا وراها في الاطباق ويوزعوا عليهم
خرجت دعاء وهي معاها ساي بلبن حطتلهم السكر حسب طلبهم وبعدين قعدوا كلهم مع بعض كلوا وكانوا مبسوطين جدا
زكريا ولا يا عبدالله هات الطاوله نغلبوا عمك رفاعي عشرتين
رفاعي بضحك اللي يسمعوا يقول حريف
زكريا ايه تنكر
رفاعي والله النتيجه كل مره هي اللي تثبت ولا ايه يا دره
دره بلاش نتكلموا انا بدل ما يقلب عليا
زكريا ليه يابت مش مقطعك من كام يوم
دره بضحك والله ما حصل انا نفسي يغلبني مره
ابتسم كرم بحب لدره وهو شايف ضحكتها
زكريا بقي كده يا دره بتنصريه عليا
رفاعي البت بتقول كلمه الحق انت مبتغلبش غير عبدالله
عبدالله ومش ديما والله
زكريا بابتسامه غيظ اه يابن الكلب انت كمان خلاص اتفقتوا عليا طب ايه رايك يا رفاعي ان هنقطعوك انهارده
رفاعي اتمني
نجوي بصت لكرم وضحكت ابوك كياد اوي
مها براحه يابا عليه شويه متزعلهوش
زكريا اصيله يا بت يا مها مجاتش من ولادي
بدأوا لعب اما الباقي فاكانوا قاعدين مع بعض يضحكوا ويتكلموا
بكر ايه يابنات عجبتكم اسكندريه
دارين جميله اوي بس هي صغيره شويه مش زي ما مامي كانت بتقول
محمد هي ايه دي اللي صغيره
دره هي ايه دي اللي صغيره صحيح وبعدين هو انتوا اصلا خرجتوا فيها ده انتوا من البيت للجامعه مخرجتوش من بحري اصلا
دانه هو في اماكن تانيه احنا مش روحناها
كرم اماكن تانيه لا ده في كتير دره بس اللي شكلها ضاحكه عليكم
بصتله دره بتوتر وبعدين بصت لبكر
دره خالص والله بس هما عشان بدأوا دراسه وانا بدأت شغلت فا مش لاحقه اصلا اني افرجهم عليها
مها ده انتوا عايزين كام يوم عشان تقدروا تلفوا اسكندريه كلها
دره بالظبط
بس قوليلي نجيب منين وقت
مها في الاجازه بتاعتك
محمد وعايزين بقي تلفوا اسكندريه وتتبسطوا بيها اكتر يبقي مش بالعربيه
دارين امال بأيه علي رجلنا
محمد لا بالترام
بصوله البنات بأستغراب وابتسموا
دانه ايه الترام ده
محمد مش عارفين الترام كمان
دانه لا
ديما يعني ايه يا مامي ترام
دره ده زي القطر كده بيمشي في الشارع بين الناس ليه محطات بيقف فيها بس هو فعلا جميل بيفجرك علي اسكندريه وشوارعها
دانه الله طيب انا عايزه اركب الترام ده
حسن لو فاضين بكره تعالوا ناخدكم لفه بيه ونفرجوكم علي اسكندريه
ديما فاضين طبعا بكره مش هنروح الجامعه مامي ممكن نروح
دره انا معنديش مانع روحوا لو حابين
مها بس ده بيبقي زحمه يا حسن والبنات ميعرفوش حاجه هنا احسن يتوهوا منك
كرم بهدوء وكأن كلمته ملهاش تاني محمد واحمد وهيما خلصوا شغلكم وروحوا مع بعض كلكم وعينكم علي البنات تمام
هيما تمام لو دره موافقه انا معنديش مشكله
بصت دارين لهيما وابتسمت ودانه بصت لمحمد وابتسمت
ديما تمام يا مامي ولا ايه
بصت دره ليهم وبعدين بصت لكرم
دره ايوه انا معنديش مشكله بس عشان حرام منعطلهمش وميخرجوش وهما تعبانين
بكر تعبانين من ايه اهم يخرجوا يشمزا هوا هما كمان
عبدالله سبيهم يادره الشباب معاهم متقلقيش عليهم
دره مش قلقانه طبعا خلاص روحوا واتبسطوا
حسن خلاص نخلصوا شغلنا في الدكان ونروحوا سوا
نبيله بس عينكم علي البنات اوعوا يتوهوا منكم
حسن متصغريناش بقي يا ستي
نبيله ستي في عينك يا ناقص
مها بضحك كيفك انت تسمعلك ربع
حسن ماهي محسساني اننا عيال
هيما مټخافيش عليهم يا بلبله في عنينا
نبيله تسلم عينك ياولا يا هيما ادام انت معاهم اكيد هنطمنوا عليهم
محمد الله واحنا بتقلقني مننا يعني
نبيله انتوا والناقص ده ايوه انما هيما عاقل
محمد مين ده
هيما نعم
بكر اهم هيتعاركوا مع بعض عاجبك كده
حسن حاولوا بقي تخلصوا شغلكم في السريع كده عشان نلحقوا نلفوا لفه حلوه
دانه بضحك نسيت نفسها وكالعاده اتسحبت من لسناها متنساش تقول لسماح الجو بتاعك تيجي معانا
بصلها حسن پصدمه و برقلها وبسرعه بصت دره ليها پغضب بسيط
دارين
ديما
محمد بصوت هامس احييييه
بصتله دعاء وسكتت وبعدين بصت لعبدالله ونبيله
دانه بهدوء و توتر اااا سوري انا مقصدش اممم
بص بكر باستغراب مش فاهم ايه اللي حصل وليه التوتر ده وكرم كمان كان زيه
عبدالله بأستفسار جو وسماح سماح مين
بص حسن لدانه وحس انه في موقف مش حلو
دانه بهمس كانت هتعيط انا اسفه
عبدالله ماتنطق يا ولا سماح مين
بكر في ايه يا جدع وانت مالك ده كلام شباب مع بعض وليهم اسرارهم متبقاش حشري
نبيله احيه اوعي يا ولا تكون تقصد سماح بت سونه
بص رفاعي وزكريا عليهم وهما بيلعبوا لكن متكلموش
نبيله ساكت ليه ياولا ما تقول
دره بأبتسامه حاولت تغير الموضوع ما تخليكم في حالكم صحيح زي ما قال بكر هما شباب وليهم اسرار مع بعض بس بنتي للاسف مبتعرفش تمسك لسانها
دانه مامي والله مكانش قصدي
كرم بص لدره في ايه مالك بتبصيلها كده ليه كلمه وطلعت منها عادي بهزار وانتي مالك خاېفه كده ليه هو حسن صغير وبعدين مش سر يعني يحب سماح بت سونه
سماح تانيه هو حر
عبدالله استني بس يا كرم ما تنطق يا حسن سماح مين بت سونه
نبيله نهار اسود لو هي
دعاء بإرتباك ااااه بت سونه ايه بس لا لا مش هي
قام حسن وقف بثبات رغم الڠضب اللي
متابعة القراءة
