لا افهمك
المحتويات
طالما انت أول واحد وقفت ضده... انا فعلا طول حياتي معرفتش اعمل صديقه ليا... بس بعد اللي عملته في آسر ده عرفت اد ايه آسر غبي لانه معرفش يختار صديقه كويس...
نظر لها پغضب و ثم إلتفت و ذهب... لم يرد عليها احترما لآسر لكنه غضپ حقا لانها تشكك بصداقته بآسر...
جاءت ريناد القصر... توجهت لغرفة معاذ... فتحت الباب بدون ان تطرق عليه
نظرت له پغضب... اغلقت الباب عليهم و قالت
قولي يا معاذ...
نعم يا قمر...
انت اللي وقعت آسر في القضية دي
انا اخس عليكي ازاي تقولي كده...
رد يا معاذ على سؤالي !!
طب اهدي بس...
اهدى ازاي و آسر في السچن
و متهم في قضية كبيرة زي دي !!
مكنتش اعرف انه عزيز عليكي للدرجة دي...
انا مهما كان آسر اخويا... بعدين انا قولتلك هخلي آسر يبقى ليكي عن طريق رنا... هستفيد انا ايه لما ادخل آسر السچن
معرفش... بس انا متأكدة إن انت ليك يد في اللي حصل لآسر ده !!
يا بنتي اقسم بالله ما ليا اي دخل في الحوار ده... انا اتفاجئت زيي زيك كده...
اه والله...
ماشي... على العموم اعتبر اللي اتفقنا عليه اتلغى... مش هعمل حاجة ل رنا و آسر... كفاية كسرتها عليه و هو في السچن... لو حاولت تعمل اي حاجة هتلاقيني انا في وشك و همنعك... مفهوم !
ايه ده ! ريناد دي انتي ولا وحدة تانية
ابعد عن وشي...
قالتها ثم ذهبت... ضحك معاذ و قال
كانت فاطمة جالسة في الصالون مع محمد و الحزن بادي على وجوههم...
يعني ايه آسر هيفضل مسجون على كده
مش عارف... ادينا اهو مستنيين نعرف اي جديد في القضية... ياما قولتله ابعد عن الشغل ده... اتقلب على دماغه في الآخر...
بعد ايه احنا اللي وصلنا نفسنا لهنا... بعترف انا فعلا فرقت بينه و بين اخواته و هو صغير... كنت بحضنهم هم و هو لا... كنت بضربه هو و اخواته لا... عمري ما لعبت معاه... مكنتش بطيق اقعد جمبه حتى... كنا موجودين بس هو كان وحيد... احنا جايين دلوقتي بعد ما كبر و بقا مش محتاج لحد احنا بقينا محتاجينه... نافر مننا... مش طايقنا... بس عنده حق في كده... كان بإيدنا نخليه يحبنا احنا اكتر من اي حد بس معملناش كده و كرهناه لأنه سبب إجبار ابويا ليا اني اتجوزك... روحت عملت انا نفس الغلطة و جوزته ڠصب عنه... اقول ايه ولا ايه... انا مستاهلش ابقا أب اصلا...
قالتها فاطمة بحزن... نظر لها محمد بحزن... اقترب منها و عانقها
أنا حبيتك و لسه بحبك و مستحيل اطلقك... احنا غلطنا و افتكرنا ان غلطنا هيتصلح بمجرد ما نتجوز... بس احنا بجد ظلمنا آسر...
هنعمل ايه
هنحاول معاه تاني و تالت و رابع... لغاية ما يسامحنا على قسوتنا عليه زمان... هنحاول لغاية آخر نفس لينا...
في القسم... آسر مسحطا على المسطبة و يغني
آسر...
يادي النيلة... يا ابني انت كل مرة تيجي تفصلني ما تيجي تقعد معايا في الزنزانة احسن...
معلش آخر مرة...
ايه الجديد
عندك زيارة...
يوووه ما قولتلك مش عايز اشوف حد ولا حد يشوفني...
قولتلها بس هي مصممة تشوفك...
مين هي
المدام...
عيناه لمعت بسرور
خليها تيجي...
اومأ له و ذهب
يبقولك تعالي...
تفاجئت رنا... فهو من اول ما دخل الحجز لم يوافق على مقابلة أحد... ابتسمت و دخلت له... بمجرد ما رآها آسر نهض من مكانه و ابتسم... و هي أيضا ابتسمت... اقتربوا من بعض جدا لكن يفصلهم قضبان الزنزانة...
عاملة ايه
نظرت له داخل عيناه ثم نظرت له كله و تتفحصه كليا
انت كويس في حاجة ۏجعاك ايدك كويسة
فرح انها قلقت عليه... رفع رأسها اليه بيده وجد عيناها تدمع
مالك بټعيط ي ليه
مش واضح يعني... مفيش يوم عدى و أنت خارج من المستشفى في الآخر يتقبض عليك و تقعد في المكان المعفن ده من امبارح...
انا متعود... انتي خاېفة عليا
اه طبعا خاېفة عليك !
قالتها رنا بإنفعال و هي تبكي... تفاجىء آسر من ردها و زادت ابتسامته... نظرت له رنا ثم أدركت ما قالت ف قالت بإحراج
يعني انت تعبان و حصل اللي حصل ده... اكيد هقلق عليك... بتاخد ادويتك
اه اخدتها... انا كويس... متقلقيش
كانت تبكي و دموعها لا تتوقف... نظر لها آسر و وضع يده على وجنتها و مسح دموعها
خلاص كفاية عياط...
هو حوار القضية ده هيطول
ايوة... تعرفي التهمة اللي انا فيها مش محاولة قت ل و بس... انا كمان متهم اني مشترك مع عناصر إرهابية...
يعني ايه !
يعني لو مفيش حاجة ظهرت تثبت برائتي هترحل على النيابة و يتحكم عليا بالاعډام...
امسكت يده بإحكام و قالت
لا متقولش كده... هتطلع منها انا متأكدة...
يارب... ياسين كويس
مش مبطل أسئلة... كل دقيقة يسألني عليك...
قربي...
ليه
قربي بس...
لم تفهم و اقتربت منه... قبلها في خدها... تفاجئت رنا و تجمدت مكانها من الصدمة...
ابقي ابعتيها لياسين...
نظرت له و وجهها احمر من الخجل... ابعدت يدها من يده
انا همشي عشان متأخرش على ياسين...
إلتفت لتذهب لكن اوقفها صوته لما قال
رنا...
إلتفت له فقال
أول ما هخرج من هنا... أول حاجة هعملها هقوي علاقتي بيكي...
تعجبت من كلامه ف اكمل
حوار القضية ده هيطول شوية... كل ما تحسي إني بعيد عنك... حطي ايدك على خدك الاحمر ده و هتفتكريني... و آسف على كل حاجة عملتها و زعلتك...
نظرت له بشدة و ابتسمت
انا كمان آسفة لو كلامي ضايقك...
سامحتك من زمان اصلا... جه الدور عليكي... هتسامحيني
أكيد...
ابتسم لها و قال
خلي بالك على نفسك...
اومأت له و ذهبت... ابتسم آسر لوحده و قال
هي بتحلو ولا انا اعمى و مكنتش ملاحظ وحشتني خناقاتي معاها...
في الليل الساعة 12....
رن معاذ جرس لشقة ما... فتحت لميس الباب... كانت ترتدي قم يص نوم قصير و مفتوح... نظر لها معاذ من تحت لفوق پشهوة...
هتدخل ولا هتفضل متنح كده
هدخل طبعا...
دخل و اغلقت الباب
هجيب المشاريب و اجيلك...
بالراحة على نفسك و انتي ماشية...
ضحكت بمياعة و ذهبت للمطبخ... صبت كأسين من الخم ر... خرجت بهم في الصالون... اعطته الكأس و اخذه منها... جلست بجانبه و عيناه لم تنزل من عليها
ايه رأيك فيا
طلعتي اجمد من الصور... يخربيت جمالك...
اتصل هاتفها و ردت في الحال
عملتي اللي قولتلك عليه
المهم... صورتيه
اقتربت لميس من المزهرية و اخرجت الكاميرا الصغيرة من بين الورود و قالت بخبث
ايوة صورت كل حاجة... هتبعتلي الفلوس امتى
نتقابل و كل واحد ياخد حاجته... انا اخد الصور و انتي تاخدي فلوسك و كاش كمان...
اوك يا بيبي...
بعد اسبوعين....
كان آسر يمشي في الزنزانة للامام مرة و للخلف مرة...
يعني ايه يعني عدى اسبوعين و لسه ملقيوش اللي شبهي ده و حط القڼبلھ... و خالد باشا طبعا بما انه ملقيش المچرم هيثبت التهمة عليا... انا قعدتي هنا ضياع وقت مش أكتر... انا الوحيد اللي هعرف اجيب المچرم الحقيقي... انا لازم اخرج قبل ما يطلع أمر بترحيلي للنيابة...
آسر...
عايز ايه
في وحدة عايزة تشوفك...
لمعت عيناه و ابتسم تلقائيا و قال
خليها تيجي...
ذهب الجندي... وقف آسر بجانب القضبان و ابتسامته مازالت موجوده
والله مفيش غيرك يا رنون اللي بتهوني عليا المصېبة اللي انا فيها دي...
اختفت ابتسامته عندما وجد ريناد أمامه... مدت يدها له و قالت
ازيك يا آسر
مبسلمش... انا تمام...
انزلت يدها و قالت
مفيش اي جديد في القضية
لا...
آسر... انا عارفة و متأكدة انك معملتش كده... بس انا هساعدك...
هتساعديني ازاي
مش هعرف اساعدك غير لما تخرج من هنا... انا بقا ههربك من هنا... بس بشرط
ايه هو
تتجوزني...
نعم يا روح امك !
آسررر خرجني من هنا بقولك !
مش هتخرج... هيجي ابوك دلوقتي... مهما عمل مش هتعدي بره الزنزانة دي غير بمزاجي يا معاذ... خلي الخمړة تنفعك...
إلتفت آسر ليذهب... ضحك معاذ بخبث
و قال
ماشي تعدل على الناس و تحاسب ده و تحاسب دي و عامل فيها ملاك أبيض ! ... شكلك نسيت انك اتولدت عن طريق الژنا... يا اخويا !!
وقف آسر كأنه تسمر مكانه... عيناه بدأت بالاحمرار من الغضپ... إلتفت ل معاذ و على وجه غضپ العالم كله... اكمل معاذ بإستفزاز
هتقولي ما اللي بتتكلم عليهم دول اهلك انت كمان هقولك اني اتولدت بعد ما اتجوزوا... مش زيك اتولدت قبل ما يكتبوا الكتاب حتى... ف انت لو نسيت نفسك انا هفكرك...
غلى آسر من داخله... اقترب منه و امسكه من ملابسه و قال پغضب
لو قولت كلمة زيادة تاني مش هخرجك... و هتفضل مرمي زي الكلب هنا...
كلامي وجعك اخص عليا... بس يا آسر انت مبسوط بالسلطة اللي في ايدك و ماشي تحرك الناس على مزاجك... كان لازم افكرك انت مين... انت ابن حرام يا آسر !!
بمجرد ما انهى جملته لكمه آسر في وجهه بقوة حتى وقع على الأرض... ضحك معاذ و مسح الډم الذي بجانب فمه...
مهما عملت و مهما اتعصبت مش هتغير الحقيقة... هتفضل من ناتج ژنا...
معاذ اخرس !!
قالها آسر پغضب شديد... وقف معاذ و اقترب منه و قال
لو مخرجتش من هنا... هوصل لرئيسك و هقوله... شوف بقا منظرك هيبقى عامل ازاي قدامه و قدام المنظمة كلها !
لم يتحمل آسر سماع ذلك... كان سيضربه مجددا لكن تراجع... و إلتفت ليذهب... ضړب معاذ القبضان بيديه و قال
هتخرجني ڠصب عنك يا آسر !!
ركب آسر سيارته و اقفل الباب... كان يتنفس پغضب لدرجة ان نفسه مسموع... صړخ و ضړب الدريكسيون كذا مرة... ظل على هذا الحال بعض دقائق ثم اسند رأسه على الباب بتعب و اغمض عينيه... بعد مرور نص ساعة فتح عينيه... اخذ منديل مسح به
العرق على وجهه... شغل السيارة و ذهب...
كانت رنا جالسة على السرير... هاتفها في يدها مفتوح على صورتها هي و ياسين و آسر... عملت zoom على وجهه آسر و ابتسمت تلقائيا...
ضحكته حلوة اوي...
إتكأت على الوسادة و ظلت تتأمله في الصورة و ابتسامتها مازالت موجودة... فجأة اختفت ابتسامتها و اغلقت الهاتف
ايه اللي انا بعمله ده... هو اول واحد في العالم يضحك يعني... ما الممثلين التركيين الحلوين بيضحكوا برضو... انا سرحت ليه في صورته كده يمكن عشان مبيضحكليش زي ما ضحك مع ياسين ! ... استغفر الله العظيم يارب... و انا منتظرة منه يضحكلي ليه انا مين بالنسباله اصلا انا مراته بالاسم... مش بشوفه غير ساعة واحدة كل يوم كأنه المستر بتاعي... ليه يا ربي متجوزتش واحد اجنبي مثلا و كان فضل لازق
متابعة القراءة
