زوجوني معاق (كامله)
المحتويات
عجبته بس متكلمش
محمد_ يلا بينا
وخلص الفرح وروحنا الفيلا ودخلنا الاوضه كنت ھموت من الكسوف مين يصدق انى في ٣ اسابيع انخطب واتجوز واحد ماقعدتش معاه اكتر من ساعتين علي بعض
محمد_ هدخل اخد شاور واغير غيرى هدومك براحتك عما اخلص
سكت مش عارفه ارد اقول ايه
محمد_ مالك في ايه!!
ساره بكسوف_ اصل ! اقصد !مش هعرف اقلع الفستان
بص لي باستغراب _ يلا ايه
ساره_ يلا نصلي مش العريس والعروسه بيصلوا سوا بعد الفرح مايخلص
محمد مبتسما وكانت اول مره اشوف ابتسامته_ اه صحيح يلا
لبست اسدالى وصلينا وبعد الصلاه قرب منى وقالي _ عايز اتكلم معاكى في حاجه
لقيت محمد بيبصلي نظره غريبه وبيقولي بكل صرامة_ ممكن أعرف انتى وافقتى تتجوزينى ليه
ساره انا...
محمد بعصبيه_ استنى اما اخلص كلامى وبعدين اتكلمى براحتك عايزه تعرفي بقى انا اتجوزتك ليه
سكت والدموع بتنزل من عيونى چرحنى بقسوته
محمد_ انا اتجوزتك عشان عندى اعاقه في ايدى و محتاج واحده تساعدنى في اكلي ولبسي وكمان كنت عايز ارتاح من زن أهلي عليا في موضوع الجواز يعنى من الاخر احنا متجوزين مصلحه انتى هتخدمينى وانا هديكى فلوس
محمد بغرور_ انا مش هقدر اعاملك كزوجه ع الاقل دلوقتي اما احس انى متقبلك لان صورتك عندى دلوقتي مش حلوه
محمد محدثا نفسه_ ايه اللي عملته ده كان ممكن اكلمها بطريقه ألطف من كده مهما كان دى لسه بنوته صغيره ليه جلدتها بقسۏة كده
وهو قاعد يعاتب نفسه فجأة حس انها فيها حاجه غريبه بدأت تتحرك وملامح وشها تتغير كأنها بتتألم و ثوانى وبدأت حركتها وزيد وهو بيراقبها وفجأة قامت مفزوعه بتصرخ من ألم رهيب في بطنها
ساره_ بطنى ھموت ااه بمۏت ماما الحقينى
كانت بتتلوى من الألم وبتعيط وبتصرخ جامد جدا
محمد بتوتر_ مالك ياساره ايه اللي بيوجعك!
صړخت ساره_ بطنى بتتقطع ھموت
خرج بسرعه لأوضه والدته وخبط
زهره بقلق_ في حاجه يامحمد !
محمد بفزع_ ايوه ساره تعبانه اوي كلمى الدكتور ياسر يجى حالا
زهره_ استرها من عندك يارب
زهره كلمت الدكتور ودخلت تجرى علي اوضه محمد
ساره پبكاء_ ماما زهره روحينى ارجوكى عايزه امشى من هنا انا ھموت عايزه أموت في بيت بابا ارجوكى انتى مش قولتلي أن انا زى بنتك ابوس ايدك روحينى وبدأت ساره تصرخ بهيستريا
زهره_ اهدى بس ياحببتي انتى اتحسدتى! كان قلبي حاسس ان هيجرالك حاجه جيب العواقب سليمه يارب
حست ساره بسکينه في حضڼ زهره وفضلت نايمه في ودموعها مش بتقف وزهره بتبكى علي حالها وبتقرأ قرآن وتمسح علي رأسها وساعدتها تغير هدومها ولبستها طرحه .. دقائق ووصل الدكتور ياسر جارهم وكشف عليها
ياسر_ واضح ان قولونها عصبي جدا واتعرضت لخوف او توتر شديد جابلها النوبه دى هكتبلها علي محلول تاخده دلوقتى وهيبقي فيه مهدئ وإن شاء
الله تقوم كويس بس تبعد عن
جو التوتر والانفعال
محمد _ شكرا يادكتور تعبتك معايا
ياسر _ ولا تعب ولا حاجه هبعت لك دلوقتي ممرضه تركب لها المحلول وتقعد جنبها اما يخلص وتتطمن عليها
وبعد ساعه بدأت ساره تهدى وتنام ومحمد وزهره قاعدين جنبها ولما اتطمنت عليها دخلت تنام.. حس محمد بالتعب دخل ينام وعيونه على ساره لحد ما غلبه النوم .. صحى محمد من النوم الصبح لقي ساره لسه نايمه وحس انها افضل من امبارح ملامحها هاديه ومريحه .. فكمل نومه بعد مااطمن عليها بعدها بساعه صحيت ساره ولقت محمد نايم جنبها بصت له بغيظ وكره قامت بسرعه مش طايقه تكون قريبة منه كده .. دخلت الحمام اخدت شاور ولبست هدومها ونزلت تقعد مع زهره وزينه
زينه بمرح_ صباحيه مباركه ياعروسه ها طمنينى الجواز حلو لا وحش
سكتت ساره وابتسمت ابتسامه مصطنعه
زهره_ عامله ايه دلوقتي ياحببتي خضتينا عليكى
ساره والدموع في عينيها_ الحمدلله
زهره_ هونى على نفسك ياساره بتفكرينى بنفسى قعدت اسبوع اعيط بعد الجواز افرحى ياحببتي دول احلي يومين في العمر
زينه_ امال العريس فين
ساره_ لسه نايم انا هخرج في الجنينه اغير جو شويه
زهره_ اتفضلي ياحبيبتى براحتك
ساره في نفسها_ اعمل ايه دلوقتي ياربى دبر امرى ارجع لأهلي واقهرهم علي حالي بعد ماكانوا طايرين من الفرح ولا اعيش خدامه مع واحد قاسې جدا وغلبتها دموعها
وفجأة لقت محمد قدامها بيبص لها وحست ان نظراته مش بقت اقل حده عن امبارح
محمد_ اخبارك ايه النهارده ياساره
ساره من غير ماتلتفت له_ الحمدلله
محمد_ طيب تعالي عشان نفطر سوا
ساره_ ماليش نفس وبعدين ميصحش اكل مع حضرتك ياسيدى
ظهر الڠضب الشديد في وجه محمد_ اما أقولك كلمه تتسمع يلا نفطر الفطار جاهز
ساره بعند_ مش هتأكلنى ڠصب عنى
محمد_ واضح اننا هنتعب قوى مع بعض
ساره_ شكلنا مش هنلحق نتعب بعض مجرد مابابا وماما يوصلوا هروح معاهم
محمد بعصبية_ يعنى ايه!
ساره_ يعنى طلقنى يامحمد
محمد_ انتى اكيد جرى لعقلك حاجه
ساره پبكاء _ فعلا جرى لعقلي حاجه يوم صدقت انك انسان محترم واخلاق يوم ماصدقت والدتك لما قالت انك طيب وحنون انت مش ممكن تكون بنى آدم بيحس زينا طلقنى يا محمد ارجوك
محمد پصدمه_ هو لعب عيال ولا ايه انتى لسه فكرانى مراهق زى حضرتك وهقعد احب فيكى واجبلك دبدوب في الفلانتين! اعقلي شويه واوعدك ياستى هزود مصروفك وهجبلك اللي ماكنتيش تحلمى بيه ها قولتى ايه
ساره باشمئزاز_ تصدق الكلام معاك تضيع وقت ومش هسمح لك تتعامل معايا بالاسلوب ده انا مش للبيع يا باشمهندس انا لو كنت عايزه الفلوس وبس كنت وافقت على صاحب سلسله المحلات اللي كنت بشتغل فيها عرض الجواز اكتر من مره ووعدنى بشقه راقيه هتتكتب باسمى وحساب في البنك كان عايزنى زوجه تانيه بس انا رفضت لانى عارفه انه عايز جسمى وبس رفضت وقلت لازم اتجوز انسان يحبنى واحبه ويعوضنى بحنانه عن قسوه الايام اللي عشتها البنت الفقيره مش لازم يكون كل هدفها الفلوس ياباشمهندس لحظه احساسها بالامان مع الإنسان اللي اختارته لحظه ميحسسها بقيمتها احسن من فلوس الدنيا كلها انا كتبت لحضرتك تنازل عن كل حقوقي والشبكه حطتها في دولاب حضرتك والهدوم الحاجات اللي جبتوها عندكم هستأذنك هاخد حاجه واحده اروح فيها
كل ده ومحمد بيبص لساره ومذهول قد ايه المراهقه الصغيره دى ادته درس قاسې اوى وكسرت غروره
محمد بندم_ انا آسف يا ساره بجد دى اول مره اعتذر لحد في حياتى بس انا حاسس انى قرفان من نفسى بيعترف لك بغلطى
ساره ساكته والدموع بتنزل على خدها بغزاره
محمد_ ممكن تدينى فرصه ثانيه نبدأ فيها من جديد ممكن يا ساره!
ساره بتردد _ هحاول بس مش عشانك عشان خاطر اهلي اللي ممكن ما يتحملوش صډمه طلاق بنتهم يوم صباحيتها بس انا مش هقدر اعاملك كزوج حاليا لحد مااحس انى متقبلاك لان صورتك عندى دلوقتي مش حلوه!
ابتسم محمد لانها اعادت له نفس الجمله اللي قالها لها امبارح بالليل
محمد_ ماشي يا ستى حقك
بعد كام ساعه جه والد ساره والدتها واختها يطمنوا عليها والفرحه باينه علي وشهم محبتش تضايقهم وتحكى لهم حاجه من اللي حصلت ومثلت عليهم دور السعاده باحتراف
وعدى يومين واحنا مشغولين بالتجهيز للسفر وجت اللحظه الصعبه وانا بسلم علي أهلي واودعهم لمصير مش عارفاه بلد غريبه مع راجل غريب كنت خاېفه بس توكلت على الله ودعيت ربنا يكتب لي الخير أول ماركبت الطياره كنت مړعوبه لكم محمد طمنى لحد ماوصلنا وركبنا لحد شقتنا كنت مرهقه جدا من السفر دخلت خدت شاور وخرجت لقيته عمال يبصلي نظره اعجاب بس انا طنشته وقلت له الحمام فاضي اتفضل تحب اساعدك في حاجه!
محمد _ لا متشكر
اتعشينا ونمنا لقيته بيصحينى الصبح بدرى افتكرته هيخرجنى نتفسح زى ماما زهره وعدتنى لقيته بيطلب منى اساعده في لبسه عشان يروح الشغل اټصدمت بس مابينتش وكتمت جوايا اختار بدله شيك قوى بدأت البسه الشراب واقفله
زراير قميصه وانا متوتره ومحروجه ومبصتش في
عنيه خالص خلصنا اللبس جهزت له الفطار أكل ونزل وانا قعدت افكر هعيش ازاى مع البنى آدم ده
لما رجع قالي_ جهزى نفسك عشان خارجين
ساره بفرحه_ هنروح فين
محمد_ واحد زميلى مصرى عزمنى على العشا حاولت اعتذر اصر
ساره في نفسها_ عزومه يعنى مش من نفسك!
ساعدته في لبسه ولقيته واقف
ساره_ لو سمحت اتفضل
محمد_ اتفضل ايه!
ساره_ اتفضل اخرج عشان اغير هدومى
محمد بعند_ مش هخرج غيرى هدومك قدامى ماانا غيرت قدامك
اخدت ساره هدومها ودخلت الحمام لبست وخرجت من غير ما ترد عليه وهو واقف بيبصلها من تحت لتحت وهى متجاهلاه وعماله تدندن وتلبس طرحتها وبقت زى القمر وهو واقف مش منزل عينه من عليها
ساره_ انا خلصت يلا بينا
وصلوا للمطعم وقابلوا زميله خالد اللى رحب بيهم بحفاوه
خالد _ حمدالله على السلامه يامحمد نورتى انجلترا يا مدام ساره انا ومحمد زمايل من ايام الكليه وديما كنا بنتنافس بس محمد كان ديما بيغلبنى
ابتسمت له ساره وسكتت لكنها لاحظت نظراته ليها بشكل ضايقها وحاولت تنشغل في الحوار مع سها مرات خالد
سها_ ان شاء الله تعجبك القعده هنا ومن هنا ورايح اعتبرينى اختك
ساره_ تسلمي حبيبتي
وبعد العشاء طلبت سها من ساره تروح معاها التواليت تظبط مكياجها فساره ماصدقت عشان تهرب من نظرات خالد ليها
خالد_ يا اخى نفسى مره اغلبك في حاجه ديما معقدنى في الدراسة و الشغل وحتى في الجواز افتكرت انى غلبتك واتجوزت قمر لقيتك داخل عليه بالشمس والقمر في بنت واحده وقعتها ازاى دى
متابعة القراءة
