روايه العنيده
المحتويات
أو نوصل لحل وسط انا بقول كده بس لأنى متمسك بيكى جدا.
جوازنا يا مرام يعتبر حلم بالنسبالى. ..
_ مع إنه بيتكلم بمنتهى الرقه والمفروض إن كلامه وطريقته هيعجبوا أى بنت فى مكانى ويزيدوا غرورها لكن انا وكالعادة كان وضعى مختلف الراجل فى حياتى غير عمرو ده خالص يعنى أقصد إن كل الرجاله اللى قابلتهم فى حياتى مختلفين تماما. طباعهم شديده ومالهمش فالعواطف خالص. باستثناء عمى الكبير واللى برغم طيبته ومعاملته الحلوه معانا بس بردوا معتقدش انه من النوع اللى ممكن يظهر مشاعره أوى كده للى قدامه بابا شديد جدا اخواتى الولاد أكاد أجزم انهم مستحيل يظهروا مشاعرهم كده للى هيخطبوهم خطيبى السابق كان أسوأ مثال فالعالم للمشاعر والعواطف حتى وليد جوز أختى برغم انه كويس اوى وحنين بس أريج نفسها كذا مره تحكيلى إن وليد ممكن يعمل كل حاجة تظهر إهتمامه وحنيته لكن ماوصلتش لدرجة الحب بقي وكلام الغزل وكده.
فين الغرور الذكرى المعروف عند معظم الرجاله
وفنفس الوقت مستغربه نفسي جداااااا. .
منين كنت بفضل طول الوقت اشتكى من جفاء مصطفى وإنه مش بيظهر لى أى عواطف أو أى رومانسية وكنت بستنى منه أى كلمه حلوه أو أى نظرة ومنين دلوقتى انى مجرد كام كلمه من عمرو مسببنلى الحاله دى! !!!!!!...
وفنفس الوقت بردوا مانكرش انه اكيد كلامه جميل. ....
يااااه ريحتينى أوى.
أحم. ...ايه بقي الطلب التانى
......خطوبتك السابقه
مالها
_. ...........وبعد تنهيده طويله منه ....كانت سنه ونص يا مرام.
إنت مش متصوره فى أول خطوبتك انا كنت هتجنن وكل ما أتخيل انك هتتجوزى حد غيرى مقدرش استوعب خالص.
وطبعا بقيت أتخيل. ....أتخيل شكل الكلام بينكم. المعامله. .....وكنت عمال أقنع نفسي انك اكيد هتفسخى الخطوبه ل أى سبب بس كل ما كانت الخطوبه بتطول كنت بفقد الأمل وكنت. .......كانت أيام وحشه أوى. .
انا بس حابب اطمن انك. ......انك يعنى أو خلينى اقول عايز اطمن انه مش فارق معاكى وإنه بالنسبالك ولا حاجه وبتمنى والله انى اسمع منك انك ما صدقتى فسختى الخطوبة.
سألت أحمد عن سبب فسخ الخطوبه بس هو ما قالش غير الكلام الروتينى بتاع الظروف المشابهه. قال مفيش راحه بينكم وكل شىء نصيب.
طب وربنا شكلك مش طبيعى. ايه يابنى الجو ده! !!....أنا بس شايفه إن الموضوع ده مش وقته نتكلم فيه وبدرى أوى برضوا.
بس ممكن اقولك انى لو كنت باقيه عليه ولو حتى 1 أو مستريحاله أو فى احتمال بسيط أنى ممكن أكمل معاه ماكنتش فسخت الخطوبة وصممت كمان
وأنا مش بقول انه حد وحش بس هو النصيب والقبول.
_ ....عشان احكى عن خطوبتى لازم احكيلك عاللى حصل قبلها الأول.
انا وقت ما كنت عايز اتقدملك وخليت ماما اتصلت بيكوا عشان تحدد معاد وقتها انا كنت فى آخر سنه فالكليه..
وكنت تقريبا ضامن التعيين بإذن الله بس قبل ما تبدأ الامتحانات ب كام يوم وصلتلى أخبار إن فى 3 معايا فالدفعه قرايب أساتذة عندنا فالكليه اتنين ولاد اتنين أساتذة والتالت خاله بيدرسلنا وطبعا هم فضلوا مكتمين طول السنين دى عشان دفعتنا بالذات كان فيها كذا حد باباه مستشار وعرفت كمان إن واحد من إللى باباهم قضاه دول باباه يبقي فى مجلس الدولة وده طبعا لوحده واسطه مالهاش حل
وأنا بقي بابا مالوش أوى فى سكة الوسايط دى آه ممكن يكلملى حد بس مش من النوع اللى يفضل يحاول ويحاول وبرغم انى من الأوائل كل سنه بس خفت معرفش اتعين وخفت يظبطوها فالكليه علشان يعينوا ولادهم وبعد تفكير واستخارة كتير قررت أقدم اعتذار عن الامتحانات برغم إنى كنت خاېف جدا إن الاعتذار ده حد يستغله ويمنع تعيينى بيه وفنفس الوقت الاعتذار ده كان قالقنى لأنى كده هضطر استنى سنه كمان قبل ما اعرف اجى اتقدملك
وممكن تتخطبى خلال السنه دى وفالاخر ماما قالتلى اسيبها على ربنا ولو لينا نصيب محدش يقدر يفرقنا وقدمت الاعتذار فعلا ولما النتيجة طلعت الكل اتفاجىء لأن نتيجة التلاته اللى ليهم قرايب جوا الكلية نتيجتهم هم ال ذى بعض فارقين عن بعض فى درجات الشفوى والتحريرى لكن ظبطوها عشان تبقي النتيجه النهائيه أد بعض عشان ياخدوهم فالتعيين هم ال.
ايه ده! !!
ده بيحصل بجد عادى كده !
واكتر من كده كمان فضلوا يخططوا من أول سنه. وما رضيوش يعملوا الحركه دى من سنه أولى عشان محدش ياخد باله منهم.
وبعد النتيجه ما ظهرت الولد اللى باباه فى مجلس الدوله رفع قضيه عليهم ومشاكل بقي والدنيا اتقلبت.
مع إن جامعتنا دايما هادية وبعيده عن المشاكل.
وكملت انا السنه اللى نقصانى وجبت مجموع احسن من كل سنه الحمد لله وجوز أختى الكبيره هو اللى وقف معايا جامد أوى بصراحه بعد ما خلصت لأن كان حصلت شوية مشاكل وفضل معايا وكلملى ناس كتير اوى والحمد لله فالاخر اتعينت ذى ما كنت عايز وكنت بحلم طول عمرى. .
ياااه. حكاية غريبه والله ذى الافلام.
آه ذى الافلام بس فيلم نهايته كئيبه للأسف لأنى اول ما ضمنت التعيين عرفت ان فى حد متقدملك بقاله فتره وانتم ب تفكروا واحتمال كبير توافقوا
وقتها انا زعلت مع أحمد وخاصمته لأنه ماقالش
ومع إنى كنت فاهم مبرراته ومقتنع بيها بس زعلت أوى منه هو طبعا كان فاكر انه لما ييجى يقولى انك ب تتخطبى أو إن واحد متقدملك فاهم انه كده بيقل منكم قدامى أو بيطلبنى اخطبك بنفسه مع إنه عارف كويس وأنا قايله كذا مره انى مستنى اتعين وتانى يوم هبقي عندكم بتقدملك بس اعمل ايه بقي الدماغ الصعيدى اشتغلت عنده وقتها المهم انا جيت هنا ل عمك واتكلمت معاه بس هو قالى مفيش حاجه تتعمل دلوقتى وماينفعش أكلم باباكى غير لو رفضتوا العريس.
......وبعدها بكام يوم اتخطبتى فعلا. .............................
تخيلى !!..
اعتذر وأأجل سنه كامله ماتتخطبيش فيها.
لكن يوم ما اتعين تتخطبى إنت. ..
........واتعلمت بالطريقه الصعبه وقتها إن فعلا محدش هياخد كل حاجة هو عايزها. .
واللى كان بيزعلنى فعلا انى كل ما أسأل أحمد عن خطوبتكم يقولى ماشيه وكويسه ومفيش مشاكل.
كان بيبقي نفسي اضربه بسبب كلامه ده والله.
وكل ما كانت الشهور بتعدى والخطوبه مستمره كنت أنا. .........................مش عارف اقولهالك اذاى. بس المهم انه كان إحساس صعب أوى.
وفنفس الوقت ماما كانت تقولى ماينفعش أفكر فيكى كده وكل شويه أسأل عن خطوبتك.
قالتلى انك مخطوبه واللى بيحصل منى ده عيب وحرام كمان.
بس فعلا كان ڠصب عنى والله.
وقبل ما تتريقي حضرتك على كلامى. أحب اقولك إن انا نفسي ماكنتش فاهم ليه متعلق بيكى للدرجادى مع إنى عمرى ماتكلمت معاكى حتى. .
..........كان وقتها فات سنه تقريبا على خطوبتك .......وأنا بصراحه فكرت اخطب عشان اشيل الموضوع ده من دماغى خالص عشان فعلا حسيت إنه غلط خالص. .
وفعلا خطبت. .
ومن اول أسبوع فالخطوبه وأنا مش مستريح خاالص. بس كنت أقول لنفسي انه يمكن السبب منى انا عشان موضوعك انتى وكده.
بس فعلا كل يوم اكتشف حاجه جديده تخلى الوضع صعب بينا.
حاجه ذى ايه يعنى
. .....مش عارف ينفع احكى تفاصيل وللا لأ. بس خلينى اقول ان طباعنا مختلفه تماما.
ده غير انى حسيت فالأول إنها بتتعمد تعاندى فى كل حاجة. بس عرفت بعد كده إن ده دلع وطبع. مش عناد خالص.
ده غير الأهم وهو طريقة اللبس. ومع إن لبسها وقت ما كنت بتقدم كان كويس. بس بعد الخطوبة ب شوية بدأت تلبس بطريقه صعبه شويه. واتكلمت معاها كتير وهى مصممه عاللى فدماغها.
وحاجات تانيه كتير. ..
_ ذى ايه
طيب ما كفايه كده كلام عن الموضوع ده وكمان انا حاسس انى ماينفعش اتكلم عنها كده
إنت مش بتتكلم عنها قدام حد. انت بتحكيلى انا. وأنا والله العظيم مش هقول لحد أبدا. .
ده غير انى عايزه أعرف عشان أفهم الحاجات اللى ضايقتك. مش يمكن ابقي ذيها. !
ههههههههههههههههههه. .
لأ. انت تقريبا عكسها تماما. .
ده أنا مشكلتى انى كنت بفضل اقارن بينكم انتم الاتنين بينى وبين نفسي. .
طيب خلاص كمل بقي ..ممكن
ممكن طبعا إنت بس تؤمرى وتطلبى براحتك.
........خلينا فالجد
ههههههههههه. .حاضر يا سيتى. .
بس بجد والله مش عارف اقول ايه.
هى كذا حاجه كده. .
يعنى مثلا اكتر من مره أقولها بلاش تسلم على قرايبها الرجاله بالايد وهى ولا الهوا. .
أقولها بلاش هزار كتير وضحك بصوت عالى قدام أى حد كده تنفذ مره وعشره لأ..
كل ما يحصل بينا مشكله الاقى مامتها هى اللى تتصل بيا وتعاتبنى. .
بصي هى فعلا كويسه بس يمكن لسه صغيره أو متدلعه شويه. هى كانت وحيدة باباها ومامتها ..
المهم فالاخر انى ماقدرتش خالص أكمل. .
بس مش ده خالص اللى انا عايز احكيهولك. .
عايز احكيلك عن يوم خطوبة ابن عمك الرخم .
إنت هتقولى ..ده رخم دى قليله عليه ....اشمعنى يعنى !!
_الأستاذ ما جابليش خالص أى سيرة عن انك فسختى الخطوبه وأنا ابقي واقف معاه يوم خطوبته والاقى اخو عروسته جاى يسأله عنك تخيلى حالتى وقتها
كان نفسي اضرب الأخ اخو العروسه ده.
بس اللى صدمنى وقتها بجد لما لقيت أحمد بيه بيرد عليه عادى لما سأله إن كنتى مخطوبه البيه قاله انك مش مخطوبه وبيرد عليه عادى كده وأنا واقف جنبه كان هاين عليا احبسه 48 ساعه والله العظيم
ههههههههههههههههههه ههههههههههههه
اووووف أخيرا ضحكتى! !
ربنا ما يحرمنى من ضحكتك دى
و لأول مره فى حياتى اجرب إحساس المكسوفه أوى و وشها احمر بس مبتسمة اوى و فرحانه. ......و بدل ما ابص فالأرض ذى البنات الطبيعيه. لقيت نفسي بسرح فى ملامحه واتخيل نفسي متجوزاه ........اه لسه مستغربه شويه إن واحد وكيل نيابة يقول كلام ذى ده ويسبل ويبقي رومانسي بس مانكرش انى مش عايزاه يبطل كلام ابدا..
كنت كل شويه أحس إن اخواتى مضايقين وعايزنى اخلص القعده دى بقي وكفاية كده. بس انا فعلا لسه مالحقتش اتكلم معاه ولقيت عمى بيشاورلى أكمل بس بسرعه قلت استغل الوقت المتبقي
متابعة القراءة
