نوفيلا ضي وإبراهيم بقلم عبير سليم

و يبلغه خبر ۏفاتها 
حاله من الحزن الشديد تسيطر على بيته و بيت أهلها
واقف في العزا و الناس بتسلم عليه و بتعزيه فۏفاة مراته و الكل حزين على ۏفاة الام اللي راحت فعز شبابها و سايبه اطفال صغيرين في امس الحاجه ليها يوم صعب طويل مر عليه و في نهاية الليل قاعد حزين مش حاسس بأى حاجه و لا شايف ادامه غير شكلها و هي بتلفظ انفاسها الأخيره مش سامع غير اخر كلمات قالتهاله و انه يسامحها 
الكل بيحاول يواسيه لكنه كان في دنيا تانيه 
و اول ما فاق سأل عن ولاده و عرف من ايناس انهم عند ضي فبيتها قاعدين مع ولادها و قالتله انهم حيفضلوا عندها أيام العزا و بعد كده حياخدوهم
طول الليل صاحي منامش ذكرياته معاها شريط بيمر ادامه بيفتكر كل حاجه من ايام ما كانوا لسه صغيرين و بيلعبوا مع بعض و انها كانت دايما بتضايق لما تشوفه بيلعب مع ضي اكتر منها ذكرياته لما كانوا في الثانوي و لما كانوا بيروحوا الدروس سوا
ذكرياتهم في الجامعه و انها رغم انها كانت جايبه مجموع يدخلها كلية العلوم الا إنها أصرت تدخل معاه هو ضي تجاره عشان تفضل معاهم افتكر كلامهم و هزارهم مع بعض افتكر وقت ما طلبت منه يرتبطوا افتكرت كل اللي كانت بتعمله عشان تخليه يحبها و عشان تنسيه حبه لضي ذكريات و ذكريات ملهاش أول من آخر لكن كل ده ينتهي عند اللحظه اللي افتكر فيها اخر حاجه حصلت فحياتها و الطريقه اللي راحت بيها و الكلام اللي قالته و الجواب و عماد و ضي واللي كان على لسانها وقت احتضارها
مر عليه الليل كله و هو صاحي مغمضش ليه جفن و اول ما طلع النهار لقى نفسه بيتصل بمختار و بلغه انه لازم يشوف عماد بأي طريقه و لازم يعرف منه اللي حصل لكن مختار قالله انه حالته صعبه اوي و الدكاترة مانعين الزياره
مفيش حاجه اسمها مانعين الزياره مانا مش حستنى لما يروح هو كمان وكل حاجه تد فن معاه عماد اخر امل لية عشان أفهم اللي حصل
مختار طب اهدى يا ابراهيم اهدى مش كده 
إبراهيم اهدى ازاي عاوزني اهدى ازاي قللي وانا مراتي كانت فعربيه مع واحد و الواحد ده كانت عارفاه كويس اوي و الواحد ده هو نفسه اللي كان مع ضي في الكافتيريا و اللي وريتهولي معاها زمان و فهمتني انه حبيبها
اهدى ازاي بعد الكلام اللي قالتهولي و اني اسامحها و قالت اسمه و اتكلمت عن الجواب الجواب اللي ضي انكرت انها كتبته و قالتلي انها متعرفش عنه اي حاجه 
بسمه و عماد عارفين بعض يا مختار و ليهم علاقه ببعض كويس و مقابلتهم مع بعض مكانتش صدفه و انا لازم اعرف علاقتهم كانت واصله لحد فين بالظبط انا حتج نن يا مختار حاسس اني حتشل
مش قادر استوعب ان بسمه كانت بتكلم واحد و بتخرج تقابله و يا عالم في ايه اكتر من كده كان بيحصل انا معرفهوش
مختار لاء يا ابراهيم إياك تسلم عقلك للشيطان انت عارف اد ايه مراتك كانت بتحبك و انت بنفسك قلتلي ده كتير
انا حتصرف يا ابراهيم و حنعرف كل حاجه من عماد و حريح قلبك بس لازم متكنش انت موجود لأنه ممكن يرفض يتكلم فوجودك
لازم يطمن ان انا بس اللي معاه عشان ياخد راحته في الكلام بس ادعي ربنا انه يقدر يتكلم يا ابراهيم
إبراهيم يبقى لازم بسرعه يا مختار مفيش وقت عماد هو اخر امل لية عشان افهم اللي حصل ارجوك يا مختار ارجوك اتصرف
مختار اطمن يا ابراهيم النهارده ان شاء الله حنعرف كل حاجه
بعد مرور عدة ساعات 
حمد الله على سلامتك يا عماد 
عماد انا تعبان 
مختار ان شاء الله حتبقى زي الفل 
عماد و هو بينهج بسمه بسمه فين 
بسمه كويسه عايشه
مختار بسمه اټوفت يا عماد 
عماد ايه ما تت
مختار ايوة يا عماد الله يرحمها 
عماد انا السبب انا السبب
مختار ليه يا عماد بتقول كده ده قدر ربنا
هي ايه اللي خلا بسمه تركب معاك العربيه و ايه اللي جمعها بيك 
عماد و هو مش قادر يتكلم حكايه طويله اوي انا تعبان تعبان 
مختار عماد عشان خاطر ربنا و عشان خاطر زوج پيتألم و قلبه قايد بيتعصر عصر نفسه يعرف الحقيقه و يرتاح ريح قلبه و قول على كل حاجه حرام نسيبوه كده مش عارف مراته كانت بتعمل ايه مع راجل في عربيه مش عارف اذا كانت مراته كانت بتحبه و اللا بتخ ونه
عماد و هو بينهج بشده هاه هاه لاء لاء 
بسمه مخانتهوش بسمه كانت بتحبه أوي هاه هاه و هي معملتش كل اللي عملته غير من حبها ليه لحد آخر لحظه كانت هاه هاه بتحاول تتمسك بيه بتحاول تعمل المستحيل عشان ميروحش منها
مختار قول الله يخليك اتكلم هي خلاص راحت للي خلقها لكن في انسان حيعيش طول عمره بيتعذب لو معرفش الحقيقه
عماد و هو مش قادر و كل ما يتكلم كلمه ينهج حاضر حقولك كل حاجه عشان ضميري يستريح و كفايه اللي اتظلمت و احنا عايشين حرام تعيش بقية هاه هاه عمرها كله و هي مظلومه هاه هاه 
زمان و احنا في الكليه مكنتش اعرف هاه اهاه غيرك و احنا في سنه تالته فيوم انت كنت ماشي مع شلتك و شفتك بتكلم بنت جميله و شكلها ملفت بلبسها و بشعرها الطويل وقتها كان نفسي اوي اتكلم معاها و انت عرفتني عليها و قلتلي انها زميلتك هاه هاه فكلية التجاره
حاولت اتكلم معاها كتير عشان اقرب منها بدأنا نتصاحب كانت بتتكلم معايا هاه هاه كتير و كانت بتيجي عندنا آداب كانت بتقعد معايا و دايما هاه هاه كنا بنضحك و بنتكلم مع بعض و كانت بتحب تسمع النكت اللي بقولها لحد ما بقينا قريبين اوي لبعض لكن مكنتش بتتكلم عن نفسها و لا كانت بتخليني اعرف حاجه عنها حتى مكنتش اعرف مين بقية صحايها هي اللي دايما كانت بتجيلي آداب لكن انا عمري ما رحتلها تجاره كانت
بتقوللي مش عاوزه حد يعرف هاه هاه هاه اني بكلم ها لأن صحابها ملتزمين و مبيحبوش يكون ليهم اختلاط بالشباب و انا هاه هاه احترمت رغبتها 
واحنا في آخر السنه فرابعه في يوم كنا قاعدين في الجنينه كانوا كلهم بيتكلموا سوا وانا كنت ماسك ورقه و بكتب فيها عبارات بخطوط هاه هاه مختلفه كل عباره بخط غير العباره التانيه
بسمه كانت مركزة معايا اوي و انا بكتب إيه ده انت بتكتب بخطوط مختلفه عن بعضها ده مفيش خط شبه التاني مش ممكن انا عمري ما شفت كده
عماد اصل انا بقى يا ستي بعرف ارسم كل الخطوط
بسمه و على كده بقى تقدر تقلد اي خط
عماد طبعا يا بنتي أمال إيه انا بعون الله مفيش خط في الدنيا معرفش اقلده
بسمه يا جامد ده انت بقى على كده بقى ممكن تشتغل مزور 
عماد ايدي على كتفك و احنا نكسب دهب
بسمه لا يا اخويا خلينا ماشيين جمب الحيط احسن 
بسمه بس في خط بقى اتحداك لو عرفت تقلده أو حتى تكتب شبهه
عماد هو فين ده وريهولي و اتحداكي اني حعرف اقلده
بسمه و هي بتفتح الاجنده طب بص كده 
عماد خط مين ده 
فتح الاجنده وبص عالاسم ضي عماد الدين مين ضي دي
بسمه واحده صاحبتي
عماد طب ماتعرفينا عليها
بسمه متخليك معايا بقى وتوريني شطارتك و اشوف بقى حتعرف تقلد خطها و اللا
عماد ايه ده ده خطها غريب اوي انا اول مره اشوف خط بالشكل ده هو مميز اوي بس تعرفي برغم انه جميل جدا بس يزغلل العين و تحس ان قرايته صعبه
بسمه شفت بقى عشان تعرف انك مش حتعرف تقلده
عماد ههه على مين يا ماما حتشوفي حعرف و اللا لاء
و مسك عماد القلم و رسم نفس خط ضي بالظبط 
بسمه مش ممكن مستحيل انت عبقري ده هو نفس خطها دي لو هي نفسها شافته مش ممكن تشك لحظه انه مش خطها
فضل ينهج كتير و مش قادر يتكلم اكتر من كده لدرجة ان مختار اشفق عليه لكنه صمم انه يكمل الحكايه
مرت الأيام و خلصنا سنه رابعه و بعد كده علاقتي انقطعت بيها و كل واحد بقى فطريق مرت سنتين و انا كل يوم في شغله بدور على شغل فكل مكان و مش لاقي لحد ما الدنيا ضاقت بية و مبقاش معايا حتى حق علبة السجاير هاه هاه 
و فيوم لقتها بتتصل علية و بتطلب انها تشوفني هاه هاه هاه و بتعرض علية خدمه اعملهالها و حتديني مقابلها الفلوس اللي محتاجها
خدمة ايه اللي انتي عاوزاها مني دي يا بسمه
بسمه فاكر الخط اللي كنت خليتك قلدته
عماد ايوة فاكر بس طبعا دلوقتي مش فكره بالظبط 
بسمه وانا عامله حسابي اتفضل اهوه 
كل اللي مطلوب منك انك حتكتب نفس الكلام اللي مكتوب هنا بنفس الخط ده 
عماد ايه ده يا بسمه مين ابراهبم ده اللي ضي دي بتقولله انها مبتحبوهوش و بتحب حد تاني
بسمه ملكش فيه بقى اهم حاجه انك تكتب الجواب و حتاخد الفلوس اللي محتاجها 
عماد بس واضح كده ان الجواب ده حيفرق بين اتنين احباب و اكيد حيكون في طرف تالت مستفيد
بسمه بقولك ايه هو اكل و اللا بحلقه انت تعمل اللي مطلوب و في حاجه كمان لو عملتها حديك اد المبلغ ده مره كمان 
عماد حاجه حاجة ايه 
بسمه كمان يومين حتصل عليك و حتقعد تستناني في كافيه معين و انا حمر عليك و معايا واحده تمام و انت حتنادي علينا و كأنك شفتنا صدفه حتمسك فينا تعزمنا على حاجه و انا حخليها تقعد و بعد شويه حعمل نفسي كأن جاتلي مكالمه و حسيبكم مع بعض عاوزاك تحاول تتكلم معاها باى طريقه و يا سلام بقى لو قلتلها نكته و خلتها تضحك عليها يبقى كتر خيرك و بعدها بشويه حرجعلكم تمام
عماد ده انتي عاوزه حد يشوفها معايا بقى صح و اللا ايه
بسمه بالظبط كده و عاوزة اللي يشوفكم يفتكر انكم اتنين عشاق
عماد طب و افرضي اللي شافنا ده جه و عمل معايا مشكله
بسمه امال انا رحت فين اطمن عالآخر 
عماد و الفلوس 
بسمه بعد ما تنفذ و تمشوا حتكون الفلوس عندك قشطه 
عماد قشطه
هاه هاه نفذت كل اللي طلبته مني كتبت الجواب و قابلتهم لكن صاحبتها هاه هاه كانت متوتره و هي قاعده و زي ماتكون اول مرة تقعد