نوفيلا ضي وإبراهيم بقلم عبير سليم
المحتويات
شرط ايه
بسمه مش حينفع اقولهولك في التليفون لازم نتقابل و افهمك عاللي انا عاوزاه
عماد تمام نتقابل فين
بسمه استناني بالعربيه و انا حركب معاك و افهمك على كل حاجه
عماد طب ماتجيلي شقتي و نقعد و نتكلم براحتنا
بسمه شقة مين يا ابو شقه
عماد خلاص متزقيش تحبي استناكي فين
الفصل السادس
سارقة عشقي
في اليوم التالي بعد ما ابراهيم ينزل الشغل و الولاد يروحوا المدرسه تلبس و تنزل تستناه في المكان اللي قلتله عليه تركب معاه العربيه و تطلب منه يطلع بسرعه
و تفهمه عاللي هي عاوزاه لكن تتفاجئ برد فعله انتي اټجننتي بتقولي ايه انتي مفكراني قت ال قت له
بسمه و هو ده شرطي عشان اديك الفلوس اللي انت عاوزها
بسمه مش حديك قرش غير لما تخلصني منها ضي مش لازم تعيش بعد النهارده يوم واحد على وش الدنيا اه مانا مش حستنى لما الاقيها اخدت جوزي مني و هدتلي كل اللي بنيته
عماد و انا قلت لاء شوفيلك حد غيري يقوم بالمهمة دي
انا معنديش استعداد إني أخسر ابراهيم انا لو إبراهيم راح مني حتكون دي نهايتي
عماد ياااه للدرجه دي بتحبيه
بسمه حتساعدني صح
ېلمس عماد شعرها بايديه و يمشي ايده على وشها حتقدري عاللي انا عاوزه
بسمه و هي بتبعد ايده عن وشها اطلب و انت تشوف
بسمه انا ايه
عماد و هو بيتفحصها عاوزك انتي
بسمه عاوز مين انت اټجننت
عماد لا مانا حكون اټجننت فعلا لو سيبتك المره دي زمان لما كنتي بتجيلي الكليه كان بيبقى نفسي فيكي لكن انتي كنتي مدياني الطرشه و اخدتي اللي انتي عاوزاه مني و قلبتيني دلوقتي بقى جه الدور علية اني اخد اللي انا عاوزه منك
بسمه انت زمان اخدت التمن يا حبيبي و فضيناها سيره و قلتلك تنساني و انا لو علية مكنتش عاوزه اشوف وشك تاني انت اللي ظهرت فحياتي
عماد طب مانتي اهوه عاوزاني و محتاجاني ايه المشكله لو خلينا المنفعه متبادله اعملك اللي انتي عاوزاه و انا اخد اللي كان نفسي فيه وبقالي سنين بحلم بيه
عماد هه حتوافقي بمزاجك بقى ڠصب عنك مش فارقه المهم انك حتوافقي و حتيجي لحد عندي و تبوسي جذمتي و الا انتي عارفه اللي حيحصل مشوار صغير لحد جوزك و نحكيله بقى عاللي حصل زمان و شوفي انتي بقى اللي حيحصل
بسمه عماد ارجوك يا عماد انا بحب جوزي و لا يمكن اعمل اللي بتقول عليه ده استحاله اخو نه
عماد و انا مالي تحبيه و اللا لاء هو انا قلتلك متحيبيهوش متحبيه براحتك انا كل اللي عاوزه ساعتين اقضيهم معاكي و واوعدك انك حتلاقي اللي يسعدك
بسمه و لو قلت لاء
عماد براحتك يا جميل قولي لاء و انا أقول لجوزك و نبقى خالصين هاه تحبي نتقابل عندك في البيت و اللا عندي فشقتي انا بقول خلينا عندي أمان اكتر و نبقى على راحتنا احسن جوزك يطب علينا فجأه حيبقى شكلك وحش ادامه
بسمه بقرف نزلني يا عماد
عماد وريني شطارتك حتنزلي ازاي
بسمه و هي مټعصبه نزلني بقولك و اللا حرتكب جنا يه
عماد و هو بيبصلها و بيكلمها مش حتنزلي غير لما تقولي حاضر
بسمه بأعين متسعه حااااسب يا عماد
في مكتب ابراهيم
بيقرا المكتوب ادامه و هو مندهش إيه ده
ضي زي ما حضرتك شايف يا مستر
إبراهيم في حاجه حصلت ضايقتك هنا
ضي معلش حضرتك يا ريت تنفذلي طلبي مش عاوزة أكون سكرتيره هنا ياريت أكون سكرتيره في أي قسم تاني في الشركه أو أمسك أي حاجه تانيه أي شغل تاني و انا حتعلم معنديش مشكله
إبراهيم و ايه المشكله انك تفضلي هنا انتي ماسكه الشغل كويس و فاهماه و انا مرتاح لوجودك هنا
ضي بس أنا مش مرتاحه حضرتك و عاوزه اتنقل ارجوك يا مستر ياريت حضرتك تنفذلي طلبي و اللا كده حضطر اني اقدم استقالتي و امشي خالص
إبراهيم ليه ده كله ليه فهميني
ضي من غير ليه دي رغبتي
إبراهيم مفيش حاجة اسمها من غير ليه ما هو اكيد في سبب لطلبك ده
ضي حتى لو في سبب أحب احتفظ بيه لنفسي و افتكر ان ده من حقي
إبراهيم تمام انتي من حقك تحتفظي بالسبب لنفسك و انا كمان من حقي اني أرفض طلبك ما دام مفيش مبرر لطلبك ده يبقى انا اسف طلبك مرفوض يا مدام ضي و اتفضلي على مكتبك شوفي شغلك
ضي هو ايه الجبروت اللي انت فيه ده هو انت بس اللي من حقك تعمل اللي انت عاوزه و تاخد القرار اللي على مزاجك من غير ما تقول أعذار و لا أسباب و غيرك مش من حقه ليه محلل كل حاجه لنفسك و محرمها على غيرك ليه فهمني
إبراهيم انا أعمل اللي أنا عاوزه و اللي يريحني و إياكي تنسي إني رئيسك هنا و لازم تعرفي حدودك كويس و لازم تتعاملي معايا عالأساس ده انتي فاهمه
ضي تمام فاهمه حضرتك بس يا اما حضرتك توافق على نقلي يا اما اتفضل امضيلي على طلب استقالتي
إبراهيم موافق اعملك اللي انتي عاوزاه يا ضي و انقلك لأي قسم في الشركه بس اعرف السبب الأول
ضي تصدق بالله انا اللي بقالي سنين نفسي أعرف السبب أنا اللي بقالي سنين بقول لنفسي ليه ليه انا عملت ايه عشان تعمل معايا كده أذنبت في إيه عشان تسيبني بالشكل ده غلطت فحقك في إيه عشان ترميني من غير حتى ما تفكر تبص وراك و تشوف اللي سبتها و رمتها حصللها ايه
تمسح دموع عينيها اللي ماليه وشها بايديها و تاخد نفسها و ترجع للواقع اللي هيا فيه و كأنها بتفوق نفسها من الكلام اللي قالته من غير ما تحس
حضرتك انا بقالي شهور بشتغل هنا بكل إخلاص و ضمير و من حقي اما اقول تعبت و عاوزة امشي ميتقاليش لاء
إبراهيم و هو شغلك معايا هو اللي تاعبك يا ضي
ضي أنا مش تعبانه لاء خالص أنا بتقطع من جوايا مش قادرة و الله ما قادره مش قادره استحمل اكتر من كده خلاص انا بقالي سنين حاطه همي فقلبي و ساكته مبتكلمش مخروسه راضيه بكل اللي القدر كتبه علية
لكن من وقت ما اشتغلت هنا و انا چرحي رجع انفتح
من جديد بس انا جبت اخري خلاص و مش قادره و الله ما قادره
الرحمه بقى و اللا انت أصدرت حكمك علية انك متخلينيش ارتاح أبدا انت لعنه فحياتي و نفسي اخلص منها بقى
إبراهيم انتي بتقولي إيه أنا مش فاهم حاجه هو مين اللي المفروض يسأل عن السبب انا و اللا انتي مين اللي المفروض يبقى مش طايق يشوف التاني انا و اللا انتي مين اللي غ در و باع مين أنكر حب العمر كله أنا و اللا انتي
ضي انكر حب العمر انت بتقول إيه إيه الكلام ده انا مش فاهمه حاجه
هو مش انت اللي بعت حبنا و رميته و دست عليه بكل جبروت راحت فين وعودك لية فين حبك لية راح فين عاوزه اعرف ده انت قلتلي انك جاي تتقدم و انا قلت لماما و كنت بدأت اجهز كل حاجه عشان لما تيجي تبقى كل حاجه كويسه
جه خبر ۏفاة جدي
و يا دوب سافرنا البلد و رجعنا لقيتك بتتجوز و بتتجوز مين بتتجوز أعز صديقه لية
ده انا كنت جايالك جايه أسألك عن السبب جايه أفهم ازاي ده حصل لكن بسمه قامت بالواجب و كلمتك قدامي و سمعتك بوداني و انت بتكلمها في التليفون و بتستعجلها عشان تنزلوا تجيبوا بدل الفرح و بتقوللها انها هي الوحيده اللي تستاهل حبك
ليه و انا عملت ايه عشان مستاهلش حبك ده عاوزه اعرف فهمني
ده انا ماحبتش غيرك معرفتش فحياتي كلها حد غيرك متمنتش واحد غيرك ايه الذنب اللي عملته عشان تعمل فية كده و تغ در بية بالشكل ده ايه قللي فهمني انا بقالي سنين بسأل نفسي أنا عملت إيه
انا حصلتلي حاجات كتير وحشه فحياتي بسببك انت و بسبب حبي ليك انا ما اخدتش منك و من قلبك غير ۏجع القلب و الحسړة و كسرة النفس
اټهامات ماما لية إني السبب و إن لولا خروجي معاك مكنتش سيبتني كنت انت السبب فيها
موافقتي على اول واحد يتقدملي ايا كان هو مين كان بسببك انت و ياريت الزمن نصفني كنت فاكره اني حلاقي العوض لكن الفرح خلاص بقى مش من نصيبي و ربنا ابتلاني بواحد شفت معاه اللي محدش شافه و استحملت اللي مفيش واحده تستحمله كل يوم مع واحده و شرب و قرف اخد ورثي كله من بابا و صرفه على القرف اللي كان بيشربه و عالستات اللي يعرفهم تعبت كتير لحد ما عرفت اتطلق منه و اخد ولادي و انجدهم من أب زي ده
و كل ده حصل و انا مش عارفه ايه السبب و لا فاهمه ايه اللي بيحصل معايا
و دلوقتي حضرتك مستغرب اني عاوزه اتنقل و عاوز تعرف السبب مش كده طب انا بقى حقولك السبب
عشان تعبت اوي و مبقتش قادره اشوفك ادامي خلاص عرفت السبب ارتحت كده يا ريت بقى تمضيلي عالنقل من فضلك و تريحني بقى الله يخليك
و اللا اقولك مش عاوزة نقل انا عاوزاك تمضيلي عالاستقاله عشان امشي من هنا خالص و ارتاح
إبراهيم حلو أوي كل الكلام اللي قلتيه ده تصدقي اقنعتيني هو انتي بتكدبي الكدبه و بتصدقيها حب ايه و ظلم ايه اللي بتتكلمي عنهم هو مين اللي حب التاني و مين اللي اتظلم انا و اللا انتي مين اللي باع و انكر انا و اللا انتي
عماله تفتكري و ترمي علية ذنب كل اللي حصلك و اللي انا اصلا مليش اي ذنب فيه و انه كان اختيارك انتي
انا ذنبي الوحيد اللي عملته اني حبيتك و اديتك قلبي و مشاعري
اذا كان في حد ليه حق عند التاني يبقى انا مش انتي
و إذا كان في حد المفروض يبقى مش طايق يشوف التاني يبقى انا مش انتي
ضي
متابعة القراءة
